२०१४ हिवाळी ऑलिंपिक

२०१४ हिवाळी ऑलिंपिक XXII हिवाळी ऑलिंपिक क्रीडा स्पर्धा
यजमान शहर	सोत्शी  रशिया
सहभागी देश	८८
सहभागी खेळाडू	२,८०० (अंदाजे)
स्पर्धा	९८, १५ खेळात
समारंभ
उद्घाटन	फेब्रुवारी ७
सांगता	फेब्रुवारी २३
अधिकृत उद्घाटक	व्लादिमिर पुतिन
खेळाडूंची प्रतिज्ञा	रुस्लान झाकारोव्ह
मैदान	फिश्त ऑलिंपिक स्टेडियम
◄◄ २०१० २०१८ ►►

सोत्शी

सोत्शीचे रशियामधील स्थान

२०१४ हिवाळी ऑलिंपिक ही हिवाळी ऑलिंपिक क्रीडा स्पर्धा स्पर्धेची २२वी आवृत्ती आहे. ही स्पर्धा ७ ते फेब्रुवारी २३ दरम्यान रशिया देशाच्या क्रास्नोदर क्रायमधील सोत्शी ह्या शहरामध्ये खेळवली जात आहे.

ह्या स्पर्धेसाठी सोत्शीची निवड ४ जुलै २००७ रोजी आंतरराष्ट्रीय ऑलिंपिक समितीच्या ग्वातेमाला सिटी येथे झालेल्या बैठकीमध्ये करण्यात आली. यजमानपदासाठी ऑस्ट्रियामधील जाल्त्सबुर्ग व दक्षिण कोरियामधील प्याँगचँग ही इतर शहरे उत्सुक होती. सोव्हिएत संघाच्या विघटनानंतर रशियामध्ये खेळवली जाणारी ही पहिलीच ऑलिंपिक स्पर्धा आहे.

ह्या स्पर्धेसाठी रशियामधील काळ्या समुद्राच्या किनाऱ्यावर संपूर्णपणे नवीन क्रीडा संकूल बांधले गेले आहे. ह्या स्पर्धेसाठी पायाभूत सुविधा (रेल्वे, महामार्ग, विमानतळ) सुधारण्यासाठी तसेच अनेक सोयी नव्याने बांधण्यासाठी एकूण ५१ अब्ज अमेरिकन डॉलर इतका खर्च आला आहे. सोत्शी २०१४ ही आजवरच्या इतिहासामधील सर्वात खर्चिक क्रीडा स्पर्धा आहे.

२०१४ ऑलिंपिक स्पर्धेमध्ये खालील १५ हिवाळी खेळांचे आयोजन केले जात आहे. प्रत्येक खेळापुढील कंसांत त्या खेळाचे प्रकार दर्शवले आहेत.

२०१४ हिवाळी ऑलिंपिक स्पर्धेसाठी एकूण ८८ देशांनी पात्रता मिळवली.

२०१० मध्ये सहभागी असलेले परंतु २०१४ मध्ये सहभागी नसलेले देश.	२०१४ मध्ये सहभागी असलेले परंतु २०१० मध्ये सहभागी नसलेले देश.
कोलंबिया इथियोपिया घाना उत्तर कोरिया सेनेगाल दक्षिण आफ्रिका	ब्रिटीश व्हर्जिन द्वीपसमूह डॉमिनिका लक्झेंबर्ग माल्टा पेराग्वे फिलिपिन्स थायलंड पूर्व तिमोर टोगो टोंगा व्हेनेझुएला यु.एस. व्हर्जिन द्वीपसमूह झिम्बाब्वे

^a भारतीय ऑलिंपिक संघाला डिसेंबर २०१२ पासून निलंबित केले गेले असल्यामुळे भारत देशाचे उत्सुक खेळाडू ऑलिंपिक ध्वज वापरून वैयक्तिकपणे ह्या स्पर्धेमध्ये सहभागी झाले होते.^[१] ११ फेब्रुवारी रोजी आय.ओ.ए.चे निलंबन मागे घेतले गेले व भारतीय खेळाडूंना भारताचा ध्वज वापरण्यास परवानगी देण्यात आली.^[२]

Key

   *   यजमान संघ

क्रम	NOC	सुवर्ण	रौप्य	कांस्य	एकूण
1	रशिया *	13	11	9	33
2	नॉर्वे	11	5	10	26
3	कॅनडा	10	10	5	25
4	अमेरिका	9	7	12	28
5	नेदरलँड्स	8	7	9	24
6	जर्मनी	8	6	5	19
7	स्वित्झर्लंड	6	3	2	11
8	बेलारूस	5	0	1	6
9	ऑस्ट्रिया	4	8	5	17
10	फ्रान्स	4	4	7	15
11	पोलंड	4	1	1	6
12	चीन	3	4	2	9
13	दक्षिण कोरिया	3	3	2	8
14	स्वीडन	2	7	6	15
15	चेक प्रजासत्ताक	2	4	2	8
16	स्लोव्हेनिया	2	2	4	8
17	जपान	1	4	3	8
18	फिनलंड	1	3	1	5
19	युनायटेड किंग्डम	1	1	2	4
20	युक्रेन	1	0	1	2
21	स्लोव्हाकिया	1	0	0	1
22	इटली	0	2	6	8
23	लात्व्हिया	0	2	2	4
24	ऑस्ट्रेलिया	0	2	1	3
25	क्रोएशिया	0	1	0	1
26	कझाकस्तान	0	0	1	1
एकूण		99	97	99	295

• आयओसीवरील नोंद
• सोत्शी २०१४