वडाळा विठोबा मंदिर

वडाळा विठोबा मंदिर हे स्थान प्रति पंढरपूर म्हणून प्रसिद्ध आहे. महाराष्ट्र राज्यातील मुंबई शहरातील वडाळा या उपनगरात हे मंदिर आहे.^[१]श्री विठोबा गणपती महादेव मंदिर असे या मंदिराचे नाव आहे.

४०० वर्षाचा जुना ईतिहास या मंदिराला आहे असे मानले जाते. मुंबई मधील आगरी आणि कोळी समजातील दिंडी वारीला जात असे. या वारीतील एका गुरुला पायाला दुखापत झाली असे वाटल्याने सर्वजण पाण्यात पाहू लागले त्यावेळी त्याना विठ्ठलाची मूर्ती सापडली. त्यावेळेपासून ही मूर्ती वडाळा येथे मंदिरात स्थापन करण्यता आली आहे.^[२]

ज्या भविकांना दरवर्षी आषाढी एकादशीला श्री क्षेत्र पंढरपूर येथे जाणे शक्य होत नाही असे भाविक वडाळा येथील या मंदिरास दर्शनासाठी भेट देतात.आषाढी एकादशी च्या दिवशी या मंदिरात पांडुरंग आणि रुक्मिणी देवीची विशेष पूजा आयोजित केली जाते.^[३]

मुंबई आणि परिसरातून वारकरी आपापल्याया दिंड्या घेऊन मंदिराला भेट देतात. आषाढी एकादशी आणि कार्तिकी एकादशी या दिवशी येथे विशेष जत्रा भरते.^[४]