लातूर रेल्वे स्थानक

लातूर मध्य रेल्वे स्थानक
स्थानक तपशील
पत्ता	लातूर, लातूर जिल्हा
गुणक	18°25′48″N 76°33′22″E / 18.43000°N 76.55611°E / 18.43000; 76.55611
समुद्रसपाटीपासूनची उंची	६५१ मी
मार्ग	मिरज−लातूर रोड रेल्वेमार्ग
इमारत प्रकार	1
फलाट	२
इतर माहिती
विद्युतीकरण	होय
संकेत	LUR
मालकी	रेल्वे मंत्रालय, भारतीय रेल्वे
विभाग	सोलापूर विभाग, मध्य रेल्वे
स्थान
लातूर महाराष्ट्रमधील स्थान

लातूर रेल्वे स्थानक हे लातूर शहरामधील एक रेल्वे स्थानक असून ते मध्य रेल्वेच्या सोलापूर विभागामधील लातूर रोड–मिरज ह्या मार्गावर स्थित आहे.^[१] लातूर हे स्थानक बंगलोर, हैदराबाद, पुणे, गुलबर्गा, बिदर, मुंबई, नांदेड, अमरावती, नागपूर, कोल्हापूर, मिरज, सोलापूर आणि धनबाद लातूर रोड, तिरुपती,उस्मानाबादशी जोडले गेलेले आहे.^[२]

हे स्थानक मध्य रेल्वेच्या सोलापूर रेल्वे विभागांतर्गत येते.

१९२३ पासून तेथे नॅरो गेज रेल्वे होती परंतु २००७ मध्ये तिला ब्रॉड गेज मध्ये रूपांतरीत करण्यास सुरुवात झाली. २००८ मध्ये संपूर्ण मिरज – लातूर रेल्वे लाईन नॅरो गेज वरून ब्रॉड गेज करण्यात आली. तसेच २००८ मध्ये मिरज स्थानक रेल्वे मार्गाद्वारे सोलापूर स्थानकाशी जोडण्यात आले.

महाराष्ट्राच्या इतिहासात पहिल्यांदाच सलग ३ वर्षाच्या दुष्काळामुळे लातूर शहरात २०१६ साली उन्हाळ्यामध्ये प्रचंड पाणीटंचाईचा सामना करावा लागला. ही समस्या सोडवण्यासाठी केंद्रीय रेल्वे मंत्री सुरेश प्रभू आणि महाराष्ट्राचे मुख्यमंत्री देवेंद्र फडणवीस यांनी एक संयुक्त प्रकल्प हाती घेतला. अधिक संशोधनानंतर आणि योजनेत विविध बदल करून शेवटी लातूरला ३४२ कि.मी. वरून पाणी पुरविण्यासाठी मिरज स्थानकाची निवड करण्यात आली.^[३] ११ एप्रिल २०१६ रोजी, प्रत्येकी ५०,००० ली. पाणी याप्रमाणे १० टँकर असलेली जलदूत एक्स्प्रेस रवाना झाली.^[४] २५०,००० लिटर पेक्षा जास्त पाण्याची वाहतूक करण्यात आली आणि ही योजना यशस्वीपणे पार पाडण्यात आली.^[५]

युनियन रेल्वे बजेट २०१४-१५ नुसार कुर्डूवाडी – लातूर – लातूर रोड मार्गाचे विदुतीकरण होणार आहे.^[६]

कुर्डूवाडी – लातूर रोड दरम्यानच्या सेक्शनचे अंदाजे ७०० करोडचा खर्च करून दुहेरीकरण करण्यात येणार आहे.^[७]