रामदुर्ग संस्थान

रामदुर्ग संस्थान ರಾಮದುರ್ಗ ಸಂಸ್ಥಾನ
← इ.स. १७४२ – इ.स. १९४८ →
ध्वज
राजधानी	रामदुर्ग
शासनप्रकार	राजतंत्र
राष्ट्रप्रमुख	पहिला राजा: योगीराव प्रथम भावे(इ.स. १७४२-१७७७) अंतिम राजा: रामराव तृतीय व्यंकट राव साहेब भावे (इ.स. १९०७-१९४८)
अधिकृत भाषा	मराठी, कन्नड
लोकसंख्या	३७८४८
–घनता	८६.४ प्रती चौरस किमी

रामदुर्ग संस्थान हे ब्रिटिश भारतातील मुंबई इलाख्याच्या अंतर्गत डेक्कन स्टेट्स एजन्सीतील एक संस्थान होते. या संस्थानाची राजधानी रामदुर्ग मध्ये होती.

रामदुर्ग संस्थानाचे क्षेत्रफळ ४३८ चौरस किमी होते.

रामदुर्ग संस्थान हे इ.स. १७४२ या वर्षी नरगुंड संस्थानापासून वेगळे झाले. हैदर अली आणि टिपू सुलतानाच्या काळात (१७८५-१७९९) हे संस्थान म्हैसूर राज्याचा भाग होता. इ.स. १८२७-१८२९ या काळात रामदुर्ग संस्थान हे ब्रिटिश भारताचा भाग बनले. भारत स्वतंत्र झाल्यावर ८ मार्च, इ.स. १९४८ या दिवशी रामदुर्गच्या संस्थानिकांनी हे संस्थान भारतीय संघराज्यात विलीन केले. सध्या हे संस्थान कर्नाटक राज्यातील बेळगाव जिल्ह्याचा एक तालुका आहे.

रामदुर्ग संस्थानाचे संस्थानिक भावे घराणे होते. ते हिंदू कोकणस्थ ब्राह्मण आहेत. ते 'राजा' हे शीर्षक वापरत असत.