रमेश धोंगडे

डॉ. रमेश वामन धोंगडे (जन्म : इ.स. १९४३) एक भाषाविज्ञानाचे अभ्यासक आहेत.^{[ संदर्भ हवा ]}

धोंगडे हे इंग्रजीत एम.ए. आणि भाषाविज्ञानशास्त्रातले पीएच.डी. आहेत.^{[ संदर्भ हवा ]}

धोंगडे हे डेक्कन महाविद्यालयात इ.स. १९६५ ते १९७८ या काळात इंग्रजीचे प्राध्यापक होते.^{[ संदर्भ हवा ]} इ.स. १९७८ ते १९८० या काळात त्यांनी एस.एन.डी.टी महिला विद्यापीठ, मुंबई येथे उपयोजित भाषाविज्ञान (अप्लाइड लिंग्विस्टिक्स) हा विषय शिकवला. डेक्कन महाविद्यालय अभिमत विद्यापीठ (१९८० - २००३) येथे त्यांनी भाषाविज्ञान विषय शिकवला आणि भाषाविज्ञान विभागाचे प्रमुख असताना २००३ साली ते निवृत्त झाले.^{[ संदर्भ हवा ]} ते मुंबई विद्यापीठाच्या मराठी विभागात अभ्यागत प्राध्यापक होते.^{[ संदर्भ हवा ]} (२०१३-२०१६) या काळात त्यांनी मराठी भाषेच्या मालवणी आणि आगरी बोलीभाषांचे सर्वेक्षण केले.^{[ संदर्भ हवा ]} सिंबायोसिस आंतरराष्ट्रीय विद्यापीठ, पुणे येथे त्यांनी सल्लागार आणि संशोधन मार्गदर्शक म्हणून देखील काम केले आहे.^{[ संदर्भ हवा ]} आतापर्यंत त्यांच्या मार्गदर्शनाखाली १५ विद्यार्थ्यांना डॉक्टरेट मिळाली आहे.^{[ संदर्भ हवा ]}

रमेश धोंगडे यांनी लिहिलेली पुस्तके खालीलप्रमाणे आहेत:

1. अर्वाचीन मराठी^[१]
2. आत्मलक्षी समीक्षा^[२]
3. इंग्रजी - मराठी शब्दकोश
4. तेंडुलकरांची नाटके: पाठ्य व प्रयोग
5. दलित आत्मचरित्रे: साहित्य आणि समाज^[३]
6. भाषा आणि भाषाविज्ञान
7. मराठी भाषा आणि शैली^[४]
8. शैलीवैज्ञानिक समीक्षा
9. शतकाची विचारशैली^[५]
10. सामाजिक भाषाविज्ञान (२००६)^[६]