रघुनाथ बोरकर

डॉ. रघुनाथ रा. बोरकर हे लेखक असून त्यांनी मुख्यतः विदर्भातील पुरातत्त्वीय स्थळांवर लेखन केले आहे. तसेच ते महाराष्ट्र राज्याच्या पुरातत्त्व व वस्तूसंग्रहालये विभागातील निवृत्त अधिकारी आहेत.

प्राचीन भारतीय इतिहास, संस्कृती व पुरातत्त्वशास्त्र या विषयात नागपूर विद्यापीठातून त्यांनी पदव्युत्तर शिक्षण पूर्ण केले. भोपाळ विद्यापीठातून संग्रहालयशास्त्र विषयाची पदवीका प्राप्त केली. पुढे विद्यावाचस्पती पदवीही मिळवली.

किल्ले इतिहास व पुरातत्त्वशास्त्र या विषयावर त्यांनी काही ग्रंथलेखन केले, तसेच याच विषयांवर १४५ हून अधिक शोधनिबंध प्रकाशित आहेत.

• रत्‍नागिरी जिल्ह्यातील किल्ले
• महाकाली चंद्रपूरची
• रामटेक
• कोहळी समाज आणि त्यांचा इतिहास
• किल्ले गाविलगड नरनाळा
• पुरातत्त्वीय शोध
• भारतीय पुरातत्त्वशास्त्र
• नांदीकटातील मंदिरे
• चंद्रपुर-गडचिरोली जिल्ह्याचे पुरातत्व
• संग्रहालय शास्त्र
• मध्ययुगीन विदर्भाचा इतिहास
• वाढोना येथील विठ्ठल-रूक्मिनी मंदिर
• चंद्रपुर-गडचिरोली जिल्ह्याचा इतिहास