मानवाचे अंती एक गोत्र

कविवर्य विंदा करंदीकर

मिसिसिपीमध्ये मिसळू दे गंगा;

-हाईनमध्ये 'नंगा' करो स्नान.

सिंधुसाठी झुरो आमेझान थोर'

कांगो बंडखोर टेम्स साठी

नाईलच्या काठी 'रॉकी' करो संध्या;

संस्कृती अन् वंध्या नष्ट होवो.

व्होल्गाचे ते पाणी वाहू दे गंगेत

लाभो निग्रो रेत पांढरीला

माझा हिमाचल धरो अतंर्पट

लग्नासाठी भट वेद्द्रष्टा!

रक्तारक्तातील कोसळोत भिंती

मानवाचे अंती एक गोत्र

छप्पन भाषांचा केलासे गौरव

तोची ज्ञानदेव जन्मा येवो.

जागृतांनो फेका प्राणांच्या अक्षता

ऐसा योग आता पुन्हा नाही!