महेश लांडगे

महेश किसन लांडगे
विद्यमान
पदग्रहण २०१४
पुढील	आमदार
विधानसभा सदस्य भोसरी विधानसभा मतदारसंघ साठी
विद्यमान
पदग्रहण २०१४
राजकीय पक्ष	भारतीय जनता पक्ष

महेश किसन लांडगे मराठी राजकारणी आहेत. हे भोसरी मतदारसंघातून भारतीय जनता पक्षाकडून महाराष्ट्राच्या तेराव्या आणि चौदाव्या विधानसभेवर निवडून गेले.

विद्यार्थीदशेत असताना महेश लांडगे यांनी एन.एस.यु.आय. या काँग्रेस पक्षाच्या विध्यार्थी आघाडीतून आपल्या राजकीय जीवनाला सुरुवात केली. २००२ साली महेश लांडगे यांनी प्रथम पिंपरी चिंचवड महापालिका निवडणूक लढविली त्यात त्यांचा पराभव झाला.

त्यानंतर २००४ साली एका पोटनिवडणुकीत विजय मिळवून ते पहिल्यांदा पिंपरी चिंचवड महापालिकेत नगरसेवक झाले. तेव्हापासून सलग तीनदा ते पिंपरी चिंचवड महापालिकेचे नगरसेवक म्हणून विजयी झाले.^[१] २०१४ साली त्यांनी प्रथमच भोसरी विधासभा मतदार संघातून अपक्ष निवडणूक लढविली आणि विजय मिळविला. त्यानंतर त्यांनी भाजप पक्षात प्रवेश केला आणि २०१९ साली दुसऱ्यांदा भोसरी विधानसभा मतदार संघातून विजय मिळविला.^[२]

सुप्रीम कोर्टाने बैलगाडा शर्यतीवरील बंदी उठविल्यानंतर देशातील सर्वात मोठी बैलगाडा शर्यत महेश लांडगे यांनी चिखली येथे भरविली होती.^[३] बैलगाडा शर्यतीवरील बंदी उठावी यासाठी महेश लांडगे यांनी पाठपुरावा केला होता.^[४]