मनीष नरवाल

मनीष नरवाल (१७ ऑक्टोबर, २००१ - ) हे एक भारतीय पॅरा नेमबाज आहेत. त्यांनी २०२१ मध्ये वयाच्या एकोणिसाव्या वर्षी टोक्यो येथे झालेल्या पॅरालिम्पिक स्पर्धेतील ५० मीटर पिस्तूल मिक्स इव्हेंट मध्ये सुवर्ण पदाक जिंकले आहे.^[१] नरवाल ह्यांनी राष्ट्रीय आणि अंतरराष्ट्रीय स्तरावर अनेक पदके मिळविली आहेत.

नरवाल हे हरयाणा राज्यातील फरीदाबाद ह्या गावचे आहेत. त्यांना लहानपणापासूनच फुटबॉल खेळाडू व्हायचे होते. पण त्यांच्या अपंगत्वामुळे त्यांनी वडिलांच्या मित्राच्या सांगण्यावरून नेमबाजीला सुरुवात केली. बल्लभगड येथील राकेश ठाकूर ह्यांच्या नेमबाजीच्या अकादमीमध्ये सरावाला सुरुवात केली.^[२]

नरवाल ह्यांना २०२० साली भारतीय राष्ट्रपतींच्या हस्ते अर्जुन पुरस्कार देण्यात आला.^[३]