भारत जोडो यात्रा

Bharat Jodo Yatra

तारीख	सप्टेंबर ७, इ.स. २०२२ (2022-09-07) - present
अवधी	~150 days
स्थान	India
प्रकार	Padayatra, protest
Theme	Political movement, social movement
Cause	Economic problems and social disharmony
हेतू	To fight against communalism, unemployment, inflation, and political centralisation
आयोजक	Indian National Congress
सहभागी	Politicians, citizens, civil society organisations, political activists
Website	www.bharatjodoyatra.in

भारत जोडो यात्रा (इंग्रजी : युनायटेड इंडिया मार्च) हे भारतीय राष्ट्रीय काँग्रेसने सुरू केलेले एक जनआंदोलन आहे. ^[१] काँग्रेसचे नेते राहुल गांधी, पक्षाचे कार्यकर्ते आणि सामान्य जनतेला एकत्रित करून, भारतीय द्वीपकल्पाच्या दक्षिणेकडील टोक असलेल्या कन्याकुमारीपासून जम्मू आणि काश्मीरपर्यंत १५० दिवसांत ३,५७० किलोमीटर अंतरावर पायी चालत जाण्यासाठी चळवळीचे आयोजन करत आहेत. ^[२]

नवी दिल्ली येथे भारतीय जनता पक्षाच्या नेतृत्वाखालील केंद्र सरकारच्या कथित "विभाजनाच्या राजकारणा" ^[३] विरोधात देशाला एकत्र आणण्यासाठी त्यांनी ही चळवळ सुरू केल्याचे काँग्रेसने म्हणले आहे. ७ सप्टेंबर २०२२ रोजी राहुल गांधी आणि तामिळनाडूचे मुख्यमंत्री एमके स्टॅलिन ^[४] यांनी हे आंदोलन सुरू केले. ^[५] याचे मुख्य उद्दिष्ट "भिती, धर्मांधता आणि पूर्वग्रह" यांच्या राजकारणाविरुद्ध आणि उपजीविकेचा नाश, वाढती बेरोजगारी आणि वाढत्या असमानतेच्या विरोधात लढा देणे आहे. ^[५] या आंदोलनादरम्यानच काँग्रेस पक्षाच्या अध्यक्षपदाची निवडणूक झाली.

काँग्रेस पक्षाने २३ ऑगस्ट २०२२ रोजी AICC मुख्यालयात भारत जोडो यात्रेसाठी लोगो, टॅगलाइन आणि संकेतस्थळ सुरू केली. ७ सप्टेंबर रोजी कन्याकुमारी येथून मोर्चाला सुरुवात झाली. ^[६] ही ३,५७०-किलोमीटर लांब, १५० दिवसांची 'नॉन-स्टॉप' पदयात्रा असेल, ज्यामध्ये देशभरातील १२ राज्ये आणि दोन केंद्रशासित प्रदेशांचा समावेश असेल. यात्रेदरम्यान राहुल गांधी दिवसा लोकांना भेटतील आणि रात्री तात्पुरत्या निवासस्थानात झोपतील. ^[७] ही पदयात्रा कन्याकुमारीपासून सुरू होऊन श्रीनगरमध्ये संपेल आणि संपूर्णपणे पायी चालत पूर्ण केली जाईल. ^{[१] [८]} यात्री २ शिफ्टमध्ये दररोज एकूण २३ किलोमीटर अंतर कापणार आहेत. ^[९] मोर्चाने नोव्हेंबर २०२२ पर्यंत १,९०० किलोमीटरहून अधिक अंतर पार केले आहे. ^[१०]