बिजू पटनायक विमानतळ

बिजू पटनायक विमानतळ भुवनेश्वर विमानतळ
आहसंवि: BBI – आप्रविको: VEBS
माहिती
विमानतळ प्रकार		सार्वजनिक
प्रचालक		भारतीय विमानतळ प्राधिकरण
कोण्या शहरास सेवा		भुवनेश्वर
समुद्रसपाटीपासून उंची		१३८ फू / ४२ मी
गुणक (भौगोलिक)		20°14′40″N 085°49′04″E / 20.24444°N 85.81778°E / 20.24444; 85.81778
धावपट्टी
दिशा	लांबी		पृष्ठभाग
	फू	मी
०५/२३	४,५२४	१,३७९	डांबरी धावपट्टी
१४/३२	७,३५९	२,२४३	डांबरी धावपट्टी

बिजू पटनायक विमानतळ (आहसंवि: BBI, आप्रविको: VEBS), हा भारताच्या ओडिशा राज्यातील भुवनेश्वर येथे असलेला विमानतळ आहे. यास सर्वसामान्यपणे 'भुवनेश्वर विमानतळ' म्हणून ओळखतात. हा सध्या (२०१५ साली) ओरिसात असलेला एकमेव मोठा विमानतळ आहे. बिजू पटनायक हे ओरिसाचे माजी मुख्यमंत्री व एक अनुभवी वैमानिक व स्वातंत्र्य सेनानी होते.

ओरिसामध्ये जलदगतीने बदलणाऱ्या औद्योगिकीकरणाचा वेग बघून, भारतीय विमानतळ प्रधिकरणाने या विमानतळाचे संयुक्तरीत्या आंतरराष्ट्रीयकरण केले आहे. त्‍यासाठी भा.वि.प्रा.ने २५० कोटी रुपये खर्च केले. ^[१]. या विमानतळासाठी ओरिसा राज्य सरकारने बोइंग-७४७ विमान हाताळू शकण्यास आवश्यक असलेली ७० एकर (२,८०,००० मी^२) इतकी जमीन धावपट्टीच्या विस्तारीकरणासाठी दिली. या टर्मिनलला चकाकत्या काचेच्या भिंती आहेत. सामानाचे अंतर्भाग तपासण्यासाठी येथे क्ष-किरण मशीनची व्यवस्था आहे.

या विमानतळाची क्षमता प्रतितास ३० विमाने हाताळण्याइतकी सक्षम आहे. वाणिज्यिक संकुल, हॉटेल व इतर सोयी विमानतळाजवळच आहेत. एका वेळेस ५०० प्रवासी ही सुविधा उपभोगू शकतात.

भा.वि.प्र. ओरिसाच्या पश्चिम भागातीलत झार्सुगुडा येथे एक दुसरा विमानतळ करण्याच्या विचारात आहे. (इ.स. २००६ची बातमी)

1. ^ भा.वि.प्रा. रु. २५० करोड भुवनेश्वर विमानतळात गुंतविणार (इंग्लिश मजकूर) जुलै २२,२००६

• बिजू पटनायक विमानतळ Archived 2010-03-18 at the Wayback Machine. (भारतीय विमानतळ प्राधिकरणाचे अधिकृत संकेतस्थळ (इंग्लिश मजकूर))
• विमानतळ माहिती VEBS वर्ल्ड एरो डाटा. माहिती अपडेट ऑक्टोबर २००६.