न्यू जर्सी

न्यू जर्सी New Jersey
अमेरिका देशाचे राज्य
ध्वज चिन्ह टोपणनाव: द गार्डन स्टेट (The Garden State) ब्रीदवाक्य: Liberty and prosperity अमेरिकेच्या नकाशावर चे स्थान
अधिकृत भाषा	इंग्लिश
राजधानी	ट्रेंटन
मोठे शहर	न्यूअर्क
क्षेत्रफळ	अमेरिकेत ४७वा क्रमांक
- एकूण	२२,६०८ किमी²
- रुंदी	११२ किमी
- लांबी	२७३ किमी
- % पाणी	१४.९
लोकसंख्या	अमेरिकेत ११वा क्रमांक
- एकूण	८७,९१,८९४ (२०१० सालच्या गणनेनुसार)
- लोकसंख्या घनता	४५८/किमी² (अमेरिकेत १वा क्रमांक)
- सरासरी उत्पन्न	$७०,३७८
संयुक्त संस्थानांमध्ये प्रवेश	१८ डिसेंबर १७८७ (१८वा क्रमांक)
संक्षेप	US-NJ
संकेतस्थळ	www.nj.gov

न्यू जर्सी (इंग्लिश: New Jersey, न्यू जर्झी ) हे अमेरिकेतील सर्वाधिक लोकसंख्या घनतेचे राज्य आहे. अमेरिकेच्या पूर्व किनाऱ्यावर वसलेले न्यू जर्सी क्षेत्रफळाच्या दृष्टीने अमेरिकेमधील ४७वे तर लोकसंख्येच्या दृष्टीने अकराव्या क्रमांकाचे राज्य आहे.

न्यू जर्सीच्या पूर्वेला व दक्षिणेला अटलांटिक महासागर, पश्चिमेला डेलावेर व पेनसिल्व्हेनिया व उत्तरेला न्यू यॉर्क ही राज्ये आहेत. ट्रेंटन ही न्यू जर्सीची राजधानी तर न्यूअर्क हे सर्वात मोठे शहर आहे. न्यू जर्सीमधील बव्हंशी लोक न्यू यॉर्क शहर व फिलाडेल्फिया ह्या महानगरांच्या क्षेत्रांत राहतात.

दरडोई उत्पन्नाच्या दृष्टीने न्यू जर्सी हे अमेरिकेमधील दुसऱ्या क्रमांकाचे राज्य आहे. येथील अर्थव्यवस्था बऱ्याच प्रमाणावर न्यू यॉर्क शहरावर अवलंबून आहे व न्यू यॉर्क शहरामध्ये काम करणारे हजारो लोक न्यू जर्सीमध्ये वास्तव्य करतात. भारतीय वंशाच्या रहिवाशांच्या संख्येमध्ये न्यू जर्सीचा अमेरिकेत तिसरा क्रमांक लागतो.

• न्यूअर्क - २,७७,१४०
• जर्सी सिटी - २,४७,५९७
• पॅटरसन - १,४६,१९९

• 
  स्वातंत्र्यदेवतेचा पुतळा व जर्सी सिटी.
• 
  न्यू जर्सीला न्यू यॉर्क शहरासोबत जोडणारा जॉर्ज वॉशिंग्टन पूल हा जगातील सर्वात वर्दळीचा पूल आहे.
• 
  अटलांटिक सिटीमधील ट्रंप ताज महाल हॉटेल
• 
  न्यू जर्सीमधील प्रमुख रस्ते व महामार्ग
• 
  न्यू जर्सीचे विधानभवन.
• 
  न्यू जर्सीचे २५ सेंट्सचे नाणे.

• अधिकृत सरकारी संकेतस्थळ
• पर्यटन