नोआह वेब्स्टर

नोआह वेब्स्टर, जुनियर (१६ ऑक्टोबर, १७५८, हार्टफर्ड, कनेटिकट वसाहत, ब्रिटिश अमेरिका^[१][२] - २८ मे, १८४३:न्यू हेवन, कनेटिकट, अमेरिका) हे अमेरिकन लेखक, भाषासुधारक, पाठ्यपुस्तक लेखक आणि शब्दकोशकार होते. यांनी १८०६ साली प्रकाशित केलेला अ कंपेन्डियस डिक्शनरी ऑफ द इंग्लिश लॅंग्वेज हा अमेरिकेतील पहिला शब्दकोश होता. यानंतर १८२८ साली त्यांनी ॲन अमेरिकन डिक्शनरी ऑफ द इंग्लिश लॅंग्वेज हा शब्दकोश प्रकाशित केला.^[३] याची दुसरी आवृत्ती तयार होत असताना १८४३मध्ये त्यांचा मृत्यू झाला. त्यावेळी या शब्दकोशाचे हक्क जॉर्ज आणि चार्ल्स मरियम यांनी विकत घेतले. कालांतराने या शब्दकोशाचे रूपांतर मरियम-वेब्स्टर डिक्शनरीमध्ये झाले.