नगावेपाडा

नगावेपाडा हे भारतातील महाराष्ट्र राज्यातील उत्तर कोकणातील पालघर जिल्ह्यातील पालघर तालुक्यातील एक गाव आहे.

सफाळे रेल्वे स्थानकापासून पश्चिमेला रामबाग मार्गाने गेल्यावर गावडवाडीनंतर डावीकडे जाणाऱ्या फाट्यावर हे गाव लागते. सफाळे रेल्वे स्थानकापासून हे गाव ६.५ किमी अंतरावर आहे.

पावसाळ्यात येथे भरपूर प्रमाणात पाऊस पडतो आणि हवामान समशीतोष्ण राहते. हिवाळ्यात येथील हवामान थंड असते व अनेकदा सकाळी धुके पडते. उन्हाळ्यात हवामान उष्ण असते. पावसाळ्यात येथे भातशेती, नागलीशेती केली जाते.

हे मध्यम आकाराचे गाव आहे.२०११ च्या भारतीय जनगणनेनुसार गावात १५५ कुटुंबे राहतात. एकूण ६४२ लोकसंख्येपैकी ३३० पुरुष तर ३१२ महिला आहेत. गावाची साक्षरता ८७.६७ टक्के आहे.पुरुष साक्षरता ९२.८३ आहे तर स्त्री साक्षरता ८२.३३ आहे. गावातील वय वर्ष शून्य ते सहा वर्षे लहान मुलांची संख्या ६६ आहे. ती एकूण लोकसंख्येच्या १०.२८ टक्के आहे. मुख्यतः खारपाटील समाजातील लोक येथे राहतात.

गावात प्राथमिक शिक्षण,प्राथमिक आरोग्यसेवा, रस्ते वीजपुरवठा, सार्वजनिक स्वच्छता,पाणी पुरवठा इत्यादी आवश्यक गोष्टी उपलब्ध आहेत. महाराष्ट्र राज्य परिवहन महामंडळाच्या बस सफाळे रेल्वे स्थानकावरून येथे येण्यासाठी ठराविक वेळी उपलब्ध असतात.ऑटोरिक्षा सफाळे रेल्वे स्थानकावरून दिवसभर उपलब्ध असतात.

उछवली, सफाळे, कर्दळ, माकणेकपासे, विराथन बुद्रुक, नगावे, चटाळे, भादवे, मथाणे,वेढी,शिलटे ही जवळपासची गावे आहेत.नगावेपाडा आणि नगावे ही गावे नगावे ग्रामपंचायतीमध्ये येतात.

१. https://www.census2011.co.in/data/subdistrict/4163-palghar-thane-maharashtra.html

२. https://villageinfo.in/maharashtra/thane/palghar.html

३. https://www.mapsofindia.com/lat_long/maharashtra/

४. http://tourism.gov.in/