धुमाळ

धुमाळ
धुमाळ
जन्म	अनंत बळवंत धुमाळ मार्च २९, १९१४
मृत्यू	१३ फेब्रुवारी, १९८७ (वय ७२) मुंबई
राष्ट्रीयत्व	भारतीय
कार्यक्षेत्र	अभिनय
कारकीर्दीचा काळ	१९४० ते १९८०
भाषा	मराठी

धुमाळ उर्फ अनंत बळवंत धुमाळ हे भारतीय चित्रपटसृष्टीतील एक विनोदी अभिनेता होते. विनोदी भूमिकेसोबतच त्यांनी चरित्र भूमिका सुद्धा निभावल्या. धुमाळ यांनी इ.स. १९४० ते इ.स. १९८० च्या दरम्यान शेकडो चित्रपटात काम केले; ज्यात मराठी नाटक, मराठी आणि हिंदी चित्रपटांचा समावेश होतो. धुमाळ यांनी आपल्या अभिनयाच्या कारकिर्दीची सुरुवात मराठी नाटकातुन केली.^[१]

सुरुवातीला धुमाळ यांनी नाटक कंपनीत भांडी धुण्याचे काम पण केले. जेव्हा लहानसहान भूमिका बजावणारे कलाकार काही कारणाने काम करू शकले नाहीत, तेथे धुमाळ यांना ते पात्र साकारण्याची संधी मिळत असे. नंतर त्यांनी प्र.के. अत्रे आणि नानासाहेब फाटक यांची भेट घेतली, नाटक जगातील ही दोन मोठी नावे होती. या गोष्टीचा त्यांना चांगला फायदा झाला आणि लवकरच त्यांना मोठ्या भूमिका मिळू लागल्या. अखेरीस तो चित्रपटांमध्ये विनोदी कलाकार म्हणून प्रसिद्ध झाले. चित्रपट ससुराल (१९६१) पासून शुभा खोटे आणि मेहमूद सोबत त्यांचे त्रिकुट जमले. नंतर अनेक चित्रपटात हे त्रिकुट दिसू लागले.^{[२][१][३]}

धुमाळ यांचे १३ फेब्रुवारी १९८७ रोजी मोठ्या हृदयविकाराच्या झटक्याने निधन झाले..^[४]