दगडूशेठ हलवाई सार्वजनिक गणेशोत्सव मंडळ

दगडूशेठ हलवाई सार्वजनिक गणेशोत्सव मंडळ हे पुण्यातील सार्वजनिक गणेशोत्सव मंडळ आहे.^[१] मंडईच्या गणपतीसह या मंडळाच्या गणपतीला पुण्यातील गणेश विसर्जन मिरवणुकीत मानाचे स्थान आहे.

इ.स. १८९३ साळी दगडूशेठ हलवाई यांनी या गणपतीची स्थापना केली. त्यांचेच नाव या गणपतीला मिळाले आहे. भाविकांचे श्रद्धास्थान असलेली मूर्ती शंकर अप्पा शिल्पी यांनी घडविली आहे.^[१] जगभरात या गणपतीचा नावलौकिक असून गणेशोत्सवात आणि विशेष निमित्ताने या गणपतीच्या दर्शनाला भाविक येत असतात.

या मंडळातर्फे समाजातील वंचित लोकांसाठी विशेष मदत केली जाते. वृद्धाश्रम, अनाथ मुलांचा आश्रम चालविणे, देवदासी महिलांच्या उन्नतीसाठी काम असे या कामाचे स्वरूप आहे.^[२] सामुहिक स्वरूपात सांस्कृतिक कार्यक्रम आयोजन केले जाते. विशेष निमित्ताने या मंदिराला केली जाणारी आरास आणि सजावट हे या मंडळाचे विशेष आकर्षण मानले जाते.

दगडूशेठ गणपती मंडळाची गणेशोत्सवातील देखावा आणि सजावट भाविकांचे आकर्षण आहे. प्रत्येक वर्षी मंडळातर्फे विशेष लक्षवेधी देखावा तयार केला जातो. या गणपतीची विसर्जन मिरवणूक पाहण्यासाठी भाविकांची गर्दी होते. यासातही विशेष संकल्पनेवर आधारित रथ तयार केला जातो.^[३]

• 
  गणेशोत्सव २०१२
• 
  मंदिर
• 
  दगडूशेट हलवाई सार्वजनिक गणेशोत्सव मंडळ येथील २०१८चा देखावा
• 
  गणेश मूर्ती

पुण्यातील गणपती विसर्जन मिरवणुकीतील मानाचे गणपती
कसबा गणपती • तांबडी जोगेश्वरी गणपती • गुरुजी तालीम गणपती • तुळशीबाग गणपती • केसरीवाडा गणपती • दगडूशेठ हलवाई गणपती