तळासरी

तळासरी हे भारतातील महाराष्ट्र राज्यातील उत्तर कोकणातील पालघर जिल्ह्यातील जव्हार तालुक्यातील एक गाव आहे.

जव्हार बस स्थानकापासून सिल्वासा मार्गाने गेल्यावर पुढे आल्याचीमेटरस्ता, जामसररस्ता, आणि वाडोळी रस्त्याने गेल्यानंतर खंबाळा गावानंतर हे गाव लागते. जव्हार बस स्थानकापासून हे गाव २५ किमी अंतरावर आहे.

पावसाळ्यात येथे भरपूर प्रमाणात पाऊस पडतो आणि हवामान समशीतोष्ण राहते. हिवाळ्यात येथील हवामान थंड असते व अनेकदा सकाळी धुके पडते. उन्हाळ्यात हवामान उष्ण असते. पावसाळ्यात येथे भातशेती, नागलीशेती केली जाते.

हे मध्यम आकाराचे मोठे गाव आहे. २०११ च्या भारतीय जनगणनेनुसार गावात २३४ कुटुंबे राहतात. एकूण १०८७ लोकसंख्येपैकी ५३३ पुरुष तर ५५४ महिला आहेत. गावाची साक्षरता ४८.७१ टक्के आहे.पुरुष साक्षरता ५७.०० आहे तर स्त्री साक्षरता ४०.९१ आहे. गावातील वय वर्ष शून्य ते सहा वर्षे लहान मुलांची संख्या २३३ आहे. ती एकूण लोकसंख्येच्या २१.४४ टक्के आहे. मुख्यतः आदिवासी समाजातील लोक येथे राहतात. ते छोट्या प्रमाणावर शेती व शेतमजूर, वीटभट्टीमजूर म्हणून काम करतात. ते अगदी लहान प्रमाणात कुक्कुटपालन, बकरीपालन सुद्धा करतात.

गावात प्राथमिक शिक्षण, प्राथमिक आरोग्यसेवा, रस्ते वीजपुरवठा, सार्वजनिक स्वच्छता, पाणी पुरवठा इत्यादी आवश्यक गोष्टी उपलब्ध आहेत. महाराष्ट्र राज्य परिवहन महामंडळाच्या बस जव्हार बस स्थानकावरून येथे येण्यासाठी ठराविक वेळी उपलब्ध असतात. जव्हारवरून रिक्षा सुद्धा उपलब्ध असतात.

दाभलोण, किरमिरे, बारावडपाडा, ओझर, मेढा, खंबाळे, साखरशेत, दाधारी, जांभुळमाया, वांगणी, माळघर ही जवळपासची गावे आहेत.खंबाळा ग्रामपंचायतीमध्ये खंबाळे आणि तळासरी गावे येतात.

१. https://www.census2011.co.in/data/subdistrict/4163-palghar-thane-maharashtra.html

२. https://villageinfo.in/maharashtra/thane/palghar.html

३. https://www.mapsofindia.com/lat_long/maharashtra/

४. http://tourism.gov.in/

५. http://districts.nic.in/districtsdetails.php?sid=MH&disid=MH036

६. https://palghar.gov.in/

७. https://palghar.gov.in/tourism/