जगित्याल जिल्हा

जगित्याल जिल्हा జగిత్యాల(तेलुगु)
तेलंगणा राज्यातील जिल्हा
तेलंगणा मधील स्थान
देश	भारत
राज्य	तेलंगणा
मुख्यालय	जगित्याल
मंडळ	१८
क्षेत्रफळ
- एकूण	२,४१९ चौरस किमी (९३४ चौ. मैल)
लोकसंख्या
-एकूण	९,८५,४१७ (२०११)
-लोकसंख्या घनता	४०७ प्रति चौरस किमी (१,०५० /चौ. मैल)
-शहरी लोकसंख्या	२२.४६
-साक्षरता दर	६०.२६
-लिंग गुणोत्तर	१०००/ १०३६ ♂/♀
प्रशासन
-लोकसभा मतदारसंघ	निजामाबाद
-विधानसभा मतदारसंघ	जगतियाल, कोरुटला, धर्मपुरी
संकेतस्थळ

जगित्याल किंवा जगतियाल हा भारताच्या तेलंगणा राज्यामधील एक जिल्हा आहे. जगित्याल (किंवा जगतियाल) येथे ह्या जिल्ह्याचे प्रशासकीय मुख्यालय आहे. २०१६ मध्ये जगतियाल जिल्हा हा पूर्वीच्या करीमनगर जिल्ह्याचे विभाजन करून तयार करण्यात आला.

• जगित्याल
• धर्मपुरी
• कोरुटला

जगित्याल जिल्ह्याचे क्षेत्रफळ २,४१९ चौरस किलोमीटर (९३४ चौरस मैल) आहे. जगित्याल जिल्ह्याला निजामाबाद, निर्मल, मंचिर्याल, पेद्दपल्ली आणि करीमनगर जिल्ह्याच्या सीमा आहेत.

२०११ च्या भारताच्या जनगणनेनुसार, सध्याच्या जगित्याल जिल्ह्याची लोकसंख्या ९,८५,४१७ आहे, लिंग गुणोत्तर हे १००० पुरुषमागे १०३६ स्त्रिया आहेत. साक्षरता दर ६०.२६% आहे. एकूण लोकसंख्येच्या २२.४६% लोक शहरी भागात राहतात.

जगित्याल जिल्ह्या मध्ये १८ मंडळे आहेत: जगित्याल आणि मेटपल्ली आणि कोरुटला ही तीन महसूल विभाग आहेत. ^[१]

जिल्ह्यातील काही पर्यटन स्थळे म्हणजे सब्बितम येथील रामुनीगुंडलू धबधबा आणि रामगिरीकिला हे ऐतिहासिक महत्त्व असलेले ठिकाण आहे. धर्मपुरी मंडळाच्या मुख्यालयात गोदावरी नदीच्या काठी असलेले श्री लक्ष्मीनरसिंहस्वामींचे पवित्र मंदिर सर्वत्र लोकप्रिय आहे. वेलगटूर मंडळातील कोटिलिंगाला गावात गोदावरी नदीच्या काठावर असलेले श्री कोटेश्वरस्वामी मंदिर आणि मल्याला मंडळाच्या मुथ्यम्पेट गावातील कोंडागट्टू येथे स्थित श्री अंजनेया स्वामींचे पवित्र मंदिर हजारो भाविकांना आकर्षित करते. शहराजवळ असलेल्या जगित्याल किल्ल्याचे अतिशय ऐतिहासिक महत्त्व आहे, हा तेलंगणातील एकमेव ताऱ्याच्या आकाराचा किल्ला आहे ज्याभोवती पाण्याने भरलेला खंदक आहे.^[२]

• तेलंगणामधील जिल्हे
• तेलंगणा

• अधिकृत संकेतस्थळ Archived 2022-01-24 at the Wayback Machine.

विकिमीडिया कॉमन्सवर

जगित्याल जिल्हा

संबंधित संचिका आहेत