चॅपेल-हॅडली चषक

चॅपेल-हॅडली चषक
आयोजक	आंतरराष्ट्रीय क्रिकेट समिती
प्रकार	आंतरराष्ट्रीय एकदिवसीय सामने
प्रथम	२००४-०५
शेवटची	२०१६-१७
स्पर्धा प्रकार	मालिका
संघ	२
सद्य विजेता	न्यूझीलंड
यशस्वी संघ	ऑस्ट्रेलिया (५)
सर्वाधिक धावा	ब्रॅंडन मॅककुलम (८०९) मायकल हसी (७३६) ब्रॅड हॅडीन (६९२) [१]
सर्वाधिक बळी	मिचेल जॉन्सन (२६) ट्रेंट बोल्ट (२३) डॅनिएल व्हेट्टोरी (२२)[२]

चॅपेल-हॅडली चषक ही ऑस्ट्रेलिया आणि न्यू झीलंड संघांदरम्यान खेळवली जाणारी एकदिवसीय मालिका आहे. ऑस्ट्रेलियाचे चॅपेल बंधू (इयान, ग्रेगरी आणि ट्रेव्हर) आणि न्यू झीलंडचे वॉल्टर हॅडली आणि त्यांची तीन मुले (बॅरी, डेल आणि सर रिचर्ड) ह्या दोन देशांच्या प्रख्यात कुटुंबांच्या नावावरून सदर मालिकेला नाव दिले गेले आहे.

चॅपेल-हॅडली चषक, २०१६ मालिकेमध्ये ऑस्ट्रेलियाला २-१ असे पराभूत केल्यानंतर, सध्या हा चषक न्यू झीलंडकडे आहे.^[३]२०१५ क्रिकेट विश्वचषक अंतिम सामन्यात हे दोन्ही संघ आमने-सामने आले होते, तो सामना चॅपेल-हॅडली चषकासाठी विचारात घेतला गेला नाही (परंतू, गट फेरीतील सामना ग्राह्य धरला गेला आणि त्यामुळे २०१४-१५ चषकाचा विजेता सुद्धा न्यू झीलंड संघ ठरला).^[४] ह्याआधी, २००७-०८ पासून सदर चषक सतत ऑस्ट्रेलियाकडेच होता.^[५] ऑस्ट्रेलियाने पाच तर न्यू झीलंडने आतापर्यंतर चार मालिका जिंकल्या आहेत.^[६]

२००४-०५ पासून २००९-१० पर्यंत चषकासाठी दर वर्षी तीन किंवा पाच सामन्यांची मालिका होत असे आणि २०१०-११ आणि २०१४-१५ विश्वचषकादरम्यान एका सामन्यांच्या मालिकेची नोंद केली गेली. परंतु सध्या सदर मालिका ही वार्षिक स्पर्धा राहिलेली नाही. क्रिकेट विश्वचषक, २०१५ - अंतिम सामना हा ह्या दोन संघांदरम्यान खेळवला गेला, परंतु तो सामना ह्या चषकासाठी ग्राह्य धरला गेला नाही.^[७] २०१७-१८ मोसमातील मालिकेऐवजी ट्रान्स-टस्मान त्रिकोणी मालिका, २०१७-१८ खेळवण्यात येईल, परंतु २०१८-१९ मधील न्यू झीलंड मधील मालिका अपेक्षेप्रमाणे खेळवण्यात येईल.^[८]

चॅपेल-हॅडली चषक सामन्यांनी अनेक लक्षणीय निकाल आणि विक्रम मोडताना पाहिले आहेत:

• न्यू झीलंडने चॅपेल-हॅडली चषक सामन्यांमध्ये तीन सर्वात मोठ्या धावसंख्यांचा यशस्वी पाठलाग केला आहे. २००५-०६ च्या मालिकेमध्ये ख्राईस्टचर्च येथील तिसऱ्या एकदिवसीय सामन्यात ऑस्ट्रेलियाच्या ३३२ धावांचा यशस्वी पाठलाग करून एकदिवसीय इतिहासातील सर्वात मोठ्या यशस्वी पाठलागाचा विक्रम स्थापित केला;^[९] तो नंतर दक्षिण आफ्रिकेने २००५-०६ च्या मोसमात मोडला होता. त्यानंतर २००६-०७ च्या मालिकेमध्ये, न्यू झीलंडने ऑकलंड येथील दुसऱ्या एकदिवसीय सामन्यात ३३६ तर हॅमिल्टन येथील तिसऱ्या एकदिवसीय सामन्यात ३४६ धावांचा यशस्वी पाठलाग केला होता. सध्या हे विक्रम एकदिवसीय इतिहासात यशस्वी पाठलागांच्या यादीत पहिल्या दहा मध्ये आहेत.^[१०]
• २००६-०७ च्या वेलिंग्टन येथील पहिल्या एकदिवसीय सामन्यात, ऑस्ट्रेलियाला एकदिवसीय इतिहासात पहिल्यांदाच १० गड्यांनी पराभव पत्करावा लागला होता. तो ऑस्ट्रेलियाचा ६४६वा एकदिवसीय सामना होता.^[११]
• २००६-०७ मध्ये ऑकलंड येथील दुसऱ्या एकदिवसीय सामन्यात पराभव पत्करावा लागल्यानंतर ऑस्ट्रेलियाला आयसीसी एकदिवसीय अजिंक्यपद स्पर्धेचे ऑक्टोबर २००२ मध्ये क्रमवारी अस्तित्वात आल्यानंतर मिळालेले अव्वल स्थान ५२ महिन्यांत पहिल्यांदाच गमवावे लागले.^[१२]
• २००६-०७ मधील हॅमिल्टन येथील एकदिवसीय सामन्यात ऑस्ट्रेलियाच्या पहिल्या डावात फलंदाजी करताना मॅथ्यू हेडनने नाबाद १८१ धावा करून ऑस्ट्रेलियाच्या फलंदाजातर्फे सर्वोच्च वैयक्तिक धावांचा नवीन विक्रम प्रस्थापित केला,^[१३] जो २०११ पर्यंत अबाधित होता. दुसऱ्या डावात क्रेग मॅकमिलनने ६७ चेंडूंमध्ये झंझावाती शतक ठोकले, हा न्यू झीलंड फलंदाजातर्फे एकदिवसीय सामन्यातील सर्वात जलद शतकाचा विक्रम होता.^[१३] १ जानेवारी २०१४ रोजी कोरे अँडरसन (३६ चेंडूंत) आणि जेसी रायडर (४६ चेंडूंत) ह्या दोघांनी वेस्ट इंडीज विरुद्ध क्वीन्सटाऊन येथे हा विक्रम मोडला.

*एकमेव एकदिवसीय सामन्यात सामनावीर पुरस्कार

चॅपेल-हॅडली चषक, २००४-०५. आंतरराष्ट्रीय एकदिवसीय मालिका निकाल: मालिका बरोबरीत १-१.

चॅपेल-हॅडली चषक, २००५-०६. आंतरराष्ट्रीय एकदिवसीय मालिका निकाल: ऑस्ट्रेलिया विजयी २–१.

चॅपेल-हॅडली चषक, २००६-०७. आंतरराष्ट्रीय एकदिवसीय मालिका निकाल: न्यू झीलंड विजयी ३-०

चॅपेल-हॅडली चषक, २००७-०८. आंतरराष्ट्रीय एकदिवसीय मालिका निकाल: ऑस्ट्रेलिया विजयी २-०.

चॅपेल-हॅडली चषक, २००८-०९. आंतरराष्ट्रीय एकदिवसीय मालिका निकाल: २-२ बरोबरीनंतर चषक ऑस्ट्रेलियाकडेच राहिला.

चॅपेल-हॅडली चषक, २००९-१०. आंतरराष्ट्रीय एकदिवसीय मालिका निकाल: ऑस्ट्रेलिया विजयी ३–२.

२०१०-११ च्या मोसमात ऑस्ट्रेलिया आणि न्यू झीलंड संघ फक्त एका एकदिवसीय सामन्यासाठी आमने-सामने आले ते १२ फेब्रुवारी २०११ रोजी नागपूर, भारत येथे खेळवल्या गेलेल्या क्रिकेट विश्वचषक, २०११च्या गट फेरी दरम्यान झालेल्या सामन्यात. त्यामुळे दोन्ही देशांनी सदर सामन्यात चॅपेल-हॅडली चषकासाठी लढत देण्याचे ठरवले. ऑस्ट्रेलियाने सामना ७ गडी राखून जिंकला.^[१४]

चॅपेल-हॅडली चषक, २०१०-११. आंतरराष्ट्रीय एकदिवसीय मालिका निकाल: ऑस्ट्रेलिया विजयी १–०.

२०१४-१५ च्या मोसमात सुद्धा ऑस्ट्रेलिया आणि न्यू झीलंड संघ फक्त एका एकदिवसीय सामन्यासाठी २८ फेब्रुवारी २०१५ रोजी ऑकलंड, न्यू झीलंड येथे खेळवल्या गेलेल्या क्रिकेट विश्वचषक, २०१५च्या गट फेरी दरम्यान झालेल्या सामन्यात आमने-सामने आले. त्यामुळे दोन्ही देशांनी सदर सामन्यात चॅपेल-हॅडली चषकासाठी लढत देण्याचे ठरवले. न्यू झीलंडने सामना १ गडी राखून जिंकला.

चॅपेल-हॅडली चषक २०१४-१५. आंतरराष्ट्रीय एकदिवसीय मालिका निकाल: न्यू झीलंड विजयी १-०.

चॅपेल-हॅडली चषक, २०१५-१६. आंतरराष्ट्रीय एकदिवसीय मालिका निकाल: न्यू झीलंड विजयी २–१.

चॅपेल-हॅडली चषक, २०१६-१७. आंतरराष्ट्रीय एकदिवसीय मालिका निकाल: ऑस्ट्रेलिया विजयी ३–०.

आंतरराष्ट्रीय एकदिवसीय मालिका
क्र.	दिनांक	न्यू झीलंड कर्णधार	ऑस्ट्रेलिया कर्णधार	सामनावीर	स्थळ	निकाल
ए.दि. ३८११	४ डिसेंबर	स्टीव्ह स्मिथ	केन विल्यमसन	स्टीव्ह स्मिथ	सिडनी क्रिकेट मैदान, सिडनी	ऑस्ट्रेलिया ६८ धावांनी
ए.दि. ३८१२	६ डिसेंबर	स्टीव्ह स्मिथ	केन विल्यमसन	डेव्हिड वॉर्नर	मानुका ओव्हल, कॅनबेरा	ऑस्ट्रेलिया ११६ धावांनी
ए.दि. ३८१३	९ डिसेंबर	स्टीव्ह स्मिथ	केन विल्यमसन	डेव्हिड वॉर्नर	मेलबर्न क्रिकेट मैदान, मेलबर्न	ऑस्ट्रेलिया ११७ धावांनी

चॅपेल-हॅडली चषक, २०१६-१७. आंतरराष्ट्रीय एकदिवसीय मालिका निकाल: न्यू झीलंड विजयी २–०.

आंतरराष्ट्रीय एकदिवसीय मालिका
क्र.	दिनांक	न्यू झीलंड कर्णधार	ऑस्ट्रेलिया कर्णधार	सामनावीर	स्थळ	निकाल
ए.दि. ३८२९	३० जानेवारी	केन विल्यमसन	ॲरन फिंच	मार्कस स्टोइनिस (ऑ)	इडन पार्क, ऑकलंड	न्यूझीलंड ६ धावांनी
ए.दि. ३८३०अ	२ फेब्रुवारी	केन विल्यमसन	ॲरन फिंच		मॅकलीन पार्क, नेपियर	सामना रद्द
ए.दि. ३८३२	५ फेब्रुवारी	केन विल्यमसन	ॲरन फिंच	ट्रेंट बोल्ट (न्यू)	सेडन पार्क, हॅमिल्टन	न्यूझीलंड २४ धावांनी

चॅपेल-हॅडली चषक - आंतरराष्ट्रीय एकदिवसीय मालिका
क्र.	दिनांक	यजमान कर्णधार	पाहुणा कर्णधार	सामनावीर	स्थळ	निकाल
१ला ए.दि.	१३ मार्च	ॲरन फिंच	टॉम लॅथम	मिचेल मार्श	सिडनी क्रिकेट मैदान, सिडनी	ऑस्ट्रेलिया ७१ धावांनी
२रा ए.दि.	१५ मार्च	ॲरन फिंच	टॉम लॅथम		सिडनी क्रिकेट मैदान, सिडनी	सामना रद्द
३रा ए.दि.	२० मार्च	ॲरन फिंच	टॉम लॅथम		बेलेराइव्ह ओव्हल, होबार्ट	सामना रद्द

चॅपेल-हॅडली चषक - आंतरराष्ट्रीय एकदिवसीय मालिका
क्र.	दिनांक	यजमान कर्णधार	पाहुणा कर्णधार	सामनावीर	स्थळ	निकाल
१ला ए.दि.	६ सप्टेंबर २०२२	ॲरन फिंच	केन विल्यमसन	कॅमेरॉन ग्रीन	कॅझलीज स्टेडियम, केर्न्स	ऑस्ट्रेलिया २ गडी राखून
२रा ए.दि.	८ सप्टेंबर २०२२	ॲरन फिंच	केन विल्यमसन	मिचेल स्टार्क	कॅझलीज स्टेडियम, केर्न्स	ऑस्ट्रेलिया ११३ धावांनी
३रा ए.दि.	११ सप्टेंबर २०२२	ॲरन फिंच	केन विल्यमसन	स्टीव्ह स्मिथ	कॅझलीज स्टेडियम, केर्न्स	ऑस्ट्रेलिया २५ धावांनी

1. ^ न्यू झीलंडच्या एकदिवसीय संघात हॉज क्रिकइन्फो
2. ^ फ्लेमिंगच्या शस्त्रक्रियेमुळे व्हेट्टरी न्यू झीलंडचा कर्णधार क्रिकइन्फो

• चॅपेल-हॅडली चषक अधिकृत ऑस्ट्रेलियन संकेतस्थळ