कातानिया-फाँतानारोसा विमानतळ

कातानिया-फाँतानारोसा विमानतळ (आहसंवि: CTA, आप्रविको: LICC) तथा व्हिन्सेंझो बेलिनी विमानतळ ( इटालियन: Aeroporto Internazionale Vincenzo Bellini di Catania-Fontanarossa ) हा इटलीच्या सिसिली प्रांतातील आंतरराष्ट्रीय विमानतळ आहे. हा विमानतळ कातानिया शहराच्या ४.३ किमी नैऋत्येस आहे.

याला कातानियामथ्ये जन्मलेल्या ऑपेरा संगीतकार विन्सेंझो बेलिनीचे नाव दिलेले आहे.

एस्सॅरोपोर्तीनुसार कातानिया-फाँतानारोसा २०२०मधील सिसिलीतील सर्वाधिक वर्दळीचा तर इटलीतील चौथ्या क्रमांकाचा सर्वात व्यस्त विमानतळ होता. ^[३] येथून केएलएम, आयटीए एरवेझ, लुफ्तांसा तसेच ईझीजेट आणि रायनएर सह अनेक कंपन्या युरोपमधील रोम, म्युनिक, ॲमस्टरडॅम आणि बर्लिन सह अनेक शहरांना विमानसेवा पुरवता. २०१६मध्ये येथून २० लाख प्रवाशांनी रोम-फियुमिसिनो विमानतळाला ये-जा केली होती.

कातानिया-फाँतानारोसा विमानतळावर खालील विमान कंपन्या नियमित नियोजित आणि भाड्याने सेवा देतात:

कातानिया-एरोपोर्तो फाँतानारोसा हे नव्याने बांधलेले रेल्वे रेल्वे स्थान, मेसिना-सिरॅक्यूझ रेल्वे, कातानिया-पालेर्मो रेल्वे तसेच कातानिया-कॅल्ताजिरोन रेल्वेद्वारे सिसिलीभर सेवा पुरवते. येथून कातानियाच्या उपनगरी गाड्याही सुटतात. ^[१८] येथून १० मिनिटांत कातानिया सेंत्राले रेल्वे स्थानकाला जाता येते तर सिरॅक्यूझ किंवा ताओर्मिना स्थानकाला जाण्यासाठी एक तास लागतो. ^[१९]

येथून नियमित शटल बस सेवा कॅटानिया शहराच्या मध्यवर्ती भागाला तसेच सेंत्राले रेल्वे स्थानकाला वाहतूक पुरवते. शिवाय तर बेटाच्या इतर भागांसाठी नियोजित बस सेवा देखील ^[२०] विमानतळावरून उपलब्ध आहेत. मुख्य बस स्थानक रेल्वे स्थानकाच्या समोर आहे आणि शहराच्या मध्यवर्ती भागापासून १० मिनिटे चालण्याच्या अंतरावर आहे.

• पालेर्मो विमानतळ फाल्कोन ई बोर्सेलिनो
• त्रापानी बिर्जी विमानतळ व्हिंसेंझो फ्लोरियो
• कोमिसो विमानतळ व्हिंसेंझो माग्लियोको