एर कॅनडा

एअर कॅनडा

आय.ए.टी.ए. AC आय.सी.ए.ओ. ACA कॉलसाईन AIR CANADA
स्थापना	११ एप्रिल १९३६ (ट्रान्स कॅनडा एअरलाइन्स नावाने)
हब	कॅल्गारी आंतरराष्ट्रीय विमानतळ (कॅल्गारी) मॉंत्रियाल–पियेर एलियट त्रूदो आंतरराष्ट्रीय विमानतळ (मॉंत्रियाल) टोरॉंटो पीयर्सन आंतरराष्ट्रीय विमानतळ (टोरॉंटो) व्हॅंकूव्हर आंतरराष्ट्रीय विमानतळ (व्हॅंकूव्हर)
मुख्य शहरे	एडमंटन हॅलिफॅक्स ओटावा विनिपेग
फ्रिक्वेंट फ्लायर	एरोप्लॅन
अलायन्स	स्टार अलायन्स
विमान संख्या	१६९
ब्रीदवाक्य	"Your World Awaits"
मुख्यालय	मॉंत्रियाल, क्वेबेक, कॅनडा
संकेतस्थळ	http://aircanada.com/

एर कॅनडा (Air Canada) ही कॅनडा देशाची राष्ट्रीय विमान वाहतूक कंपनी आहे. १९३६ साली ट्रान्स कॅनडा एरलाइन्स ह्या नावाने स्थापन झालेली एर कॅनडा ही सध्या जगातील सर्वात जुन्या व प्रमुख विमानकंपन्यांपैकी एक आहे. स्टार अलायन्स समूहाचा संस्थापक सदस्य असलेली एर कॅनडा सध्या विमानांच्या संख्येच्या दृष्टीने जगातील ९व्या क्रमांकाची मोठी विमानकंपनी आहे. एर कॅनडाचे मुख्यालय मॉंत्रियाल शहरामध्ये असून टोरॉंटोच्या मिसिसागा उपनगरामध्ये स्थित असलेल्या टोरॉंटो पीयर्सन आंतरराष्ट्रीय विमानतळावर प्रमुख वाहतूकतळ आहे.

२०१३ साली एर कॅनडाला उत्तर अमेरिका खंडामधील सर्वोत्तम विमानकंपनी हा पुरस्कार मिळाला होता. एर कॅनडा एक्सप्रेस, एर कॅनडा रूज व एर कॅनडा कार्गो ह्या एर कॅनडाच्या उपकंपन्या आहेत. २००३ साली एर कॅनडाला आर्थिक परिस्थिती नाजूक झाल्यामुळे दिवाळखोरी जाहीर करावी लागली होती.

एर कॅनडा देशांतर्गत २१ तर जगातील ८१ विमानतळांवर प्रवासी सेवा पुरवते.

• अधिकृत संकेतस्थळ