आबुरासोबा

आबुरासोबा

पर्यायी नावे	अबुरा सोबा, मोंजासोबा, तेनुकिसोबा, अबू रामेन, शिरूणाशी रामेन
प्रकार	नूडल डिश
उगम	जपान
Cookbook: आबुरासोबा   Media: आबुरासोबा

अबुरासोबा (油そば), ज्याला भूलभुलैया सोबा (जपानी:まぜそば) असेही म्हणतात. याची इतर नावे मोंजासोबा (もんじゃそば), तेनुकिसोबा (手抜きそば), अबू रामेन (あぶラーメン) किंवा शिरुणाशी रामेन (汁なメ ラ ランメプ) अशी आह्त. यात सुक्या शेवया (नूडल) सोया सॉस आणि डुकराच्या मांसाबरोबर एकत्र करून खाल्ले जाते.^[१] पारंपारिक घटकांमध्ये शोयू तारे बेस, अरोमा ऑइल, मेनमा, चिरलेली नोरी आणि हिरवे कांदे यांचा समावेश होतो. इतर विविधतांमध्ये कच्चे लसूण, कच्चे अंडे, चीज आणि किसलेले मांस यांसारख्या टॉपिंग्जचाही समावेश असतो. ह्या गोष्टी खाण्यापूर्वी नूडल्समध्ये मिसळल्या जातात.^[२]

माझेसोबाची ओळख १९५० च्या दशकात चिन चिन तेई मुसाशिनो सिटीमध्ये झाली.^[३] जगातील सर्वात मोठी माझेसोबा साखळी कोकोरो माझेसोबा ही आहे.^[४]

१९५२ मध्ये स्थापन झालेल्या कुनिताची शहरातील हितोत्सुबाशी विद्यापीठाजवळील सांको ने १९५० च्या दशकाच्या सुरुवातीस अल्कोहोल बरोबर रामेन द्यायला सुरुवात केली. यासाठी त्याने झटपट नूडल्सचा वापर केला, असा एक सिद्धांत आहे.^[५][६] तसेच १९५० च्या दशकात^[७][८], मुसाशिनो शहराच्या हद्दीतील आशिया विद्यापीठाजवळ ``चिंचिन-तेई' ने अबुरासोबा^[९] चायनीज स्टियर नूडल्स (zh: stir noodles) द्वारे प्रेरित प्रसिद्ध केले.^{[७][८][१०]}. आबुरासोबाच्य सुरुवातीशी निगडित असे दोन सिद्धांत आहेत. कोणत्याही परिस्थितीत, तो टोकियोच्या मुसाशिनो भागातून सुरू झाला आणि नंतर इतर भागात पसरला.^[६] त्यानंतर ही पाककृती १९९६ ^[११] च्या आसपास जास्त लोकप्रिय झाली. १९९७ मध्ये, योमिउरी शिम्बुनने प्रकाशित केलेल्या यादीनुसार ते वर्षातील सर्वाधिक लोकप्रिय उत्पादनांमध्ये १३व्या क्रमांकावर होते.^[१२] २००२ मध्ये म्योजो फुड्सने किचिजोजी, मुसाशिनो शहरातील बुबुकामधील इन्स्टंट नूडल्सचे व्यावसायिकीकरण केले.^[११]

असे म्हणले जाते की आबुरासोबा विद्यार्थ्यांमध्ये जात लोकप्रिय होते. त्याचे एक कारण ते स्वस्त होते आणि मोठ्या प्रमाणात उपलब्ध होते.^{[१३][१०]} ग्रेट गिदायुच्या म्हणण्यानुसार, आशिया विद्यापीठात प्रवेश केल्यावर, त्याच्या वरिष्ठांनी त्याला सांगितले की हा एक प्रकारचा विद्यापीठातील सोपास्कार आहे. त्याला एका रेस्टॉरंटमध्ये घेऊन गेले जेथे अबुरासोबा खाल्ला जायचा. सुरुवातीला त्याला ते विचित्र वाटले. ते फारसे चवदार नव्हते, पण अनेक वेळा गेल्यावर त्याला त्याची सवय लागली.^[७] ``चिंचिन-तेई मेल ऑर्डरद्वारे नूडल्स, सूप इत्यादी विकते आणि यातील अनेक ऑर्डरस् एशिया युनिव्हर्सिटीच्या माजी विद्यार्थ्यांच्या असल्याचे सांगितले जाते.^[१४] काही विद्यार्थ्यांच्या कॅफेटेरियामध्ये हा एक विशेष मेनू आयटम असतो.^{[१५][१६]}