आंबोडेगाव

आंबोडेगाव हे भारतातील महाराष्ट्र राज्यातील उत्तर कोकणातील पालघर जिल्ह्यातील पालघर तालुक्यातील एक गाव आहे.

सफाळे रेल्वे स्थानकापासून पूर्वेस माकुणसार मार्गाने गेल्यावर आगरवाडी, टिघरे गावानंतर हे गाव लागते. सफाळेपासून हे गाव ९.४ किमी अंतरावर आहे.

पावसाळ्यात येथे भरपूर प्रमाणात पाऊस पडतो आणि हवामान समशीतोष्ण राहते. हिवाळ्यात येथील हवामान थंड असते व अनेकदा सकाळी धुके पडते. उन्हाळ्यात हवामान उष्ण असते.

हे एक छोटे गाव आहे.२०११ च्या भारतीय जनगणनेनुसार गावात ९१ कुटुंबे राहतात. एकूण ३५८ लोकसंख्येपैकी १७७ पुरुष तर १८१ महिला आहेत. गावाची साक्षरता ९०.६१ टक्के आहे.पुरुष साक्षरता ९४.९७ आहे तर स्त्री साक्षरता ८६.५५ आहे. गावातील वय वर्ष शून्य ते सहा वर्षे लहान मुलांची संख्या २८ आहे. ती एकूण लोकसंख्येच्या ७.८२ टक्के आहे. मुख्यतः बौद्ध समाजातील लोक येथे राहतात.

गावात प्राथमिक शिक्षण,प्राथमिक आरोग्यसेवा, रस्ते वीजपुरवठा, सार्वजनिक स्वच्छता,पाणी पुरवठा इत्यादी आवश्यक गोष्टी उपलब्ध आहेत. महाराष्ट्र राज्य परिवहन महामंडळाच्या बस सफाळे रेल्वे स्थानकावरून येथे येण्यासाठी ठराविक वेळी उपलब्ध असतात. ऑटोरिक्शासुद्धा सफाळेवरून दिवसभर उपलब्ध असतात.

खटाळी, दांडा, उसरणी, दहिसर तर्फे माहीम, टिघरे, आगरवाडी (सफाळे), कपासे, पारगाव, सोनावे, उचावळी, सफाळे ही जवळपासची गावे आहेत.

https://www.census2011.co.in/data/subdistrict/4163-palghar-thane-maharashtra.html

२. http://tourism.gov.in/india-tourism-development-corporation-itdc

३.https://villageinfo.in/maharashtra/thane/palghar.html

४.https://www.mapsofindia.com/lat_long/maharashtra/

५.http://tourism.gov.in/
६.http://districts.nic.in/districtsdetails.php?sid=MH&disid=MH036

७.https://palghar.gov.in/
८.https://palghar.gov.in/tourism/