आंबेडे

आंबेडे हे भारताच्या महाराष्ट्र राज्यामधल्या उत्तर कोकणातील पालघर जिल्ह्यातल्या पालघर तालुक्यात असलेले एक गाव आहे.

बोईसर रेल्वे स्थानकापासून पूर्वेस बेटेगाव, मान, नागझरी, किराट मार्गाने गेल्यास हेे गाव २५ किमी अंतरावर लागते.

येथील हवामान उन्हाळ्यात फारच उष्ण असते तर हिवाळ्यात थंडगार असते. पावसाळ्यात भरपूर प्रमाणात पाऊस पडतो आणि हवामान समशीतोष्ण, दमट असते.ह्या गावाला सूर्या कालव्याचे सिंचनासाठी पाणी पुरविण्यात येते आणि त्या पाण्यावर उन्हाळ्यात भातशेती केली जाते.^[१]

२०११ च्या भारतीय जनगणनेनुसार गावात १६९ कुटुंबे राहतात. एकूण ८१७ लोकसंख्येपैकी ४१८ पुरुष तर ३९९ महिला आहेत.० ते ६ वर्षाखालील मुलांची संख्या १०७ आहे. ही एकूण लोकसंख्येच्या १३ टक्के आहे. स्त्री पुरुष प्रमाण १०००:९५५ आहे. गावाची साक्षरता ६६.४८ आहे. पुरुष साक्षरता ७५.६२ टक्के आहे तर स्त्री साक्षरता ५६.८१ टक्के आहे.

गावात प्राथमिक शिक्षणाची सोय आहे. सार्वजनिक स्वच्छता, आरोग्य, पाणीपुरवठा, दिवाबत्ती, ग्रामपंचायतीतर्फे पाहिली जाते. गावात येण्यासाठी बोईसर बस स्थानकातून नियमित बससेवा उपलब्ध आहे.

आंबेढे गावाच्या आजूबाजूच्या परिसरात सुमडी, गारगाव, चिंचरे, आकेगव्हाण, नानिवळी, बरहानपूर, सोमाटे, मेंढवण, आकोली, रावते, खानिवडे ही गावे आहेत.

http://tourism.gov.in/india-tourism-development-corporation-itdc

1. ^ महाराष्ट्र टाईम्स, वसई विरार पुरवणी, बुधवार दिनांक २२ मे २०२४.