अलेक्झांड्रा डडॅरिओ

अ‍ॅलेक्झांड्रा डडॅरिओ Alexandra Daddario
जन्म	अ‍ॅलेक्झांड्रा डडॅरिओ १६ मार्च, १९८६ (1986-03-16) (वय: ३८) न्यू यॉर्क शहर,  अमेरिका
राष्ट्रीयत्व	अमेरिकन
कार्यक्षेत्र	अभिनय
कारकीर्दीचा काळ	१९९८ - चालू
प्रमुख चित्रपट	टेक्सास चेनसॉ थ्रीडी, सॅन ॲंड्रेअस, बेवॉच
प्रमुख टीव्ही कार्यक्रम	ऑल माय चिल्ड्रन
वडील	रिचर्ड डडॅरिओ
आई	क्रिस्टिना

अ‍ॅलेक्झांड्रा अ‍ॅना डडॅरिओ (इंग्लिश: Alexandra Anna Daddario) ही अमेरिकन अभिनेत्री आहे. ही पर्सी जॅक्सन फिल्म सिरीज मधील अ‍ॅनाबेथ चेस, सॅन अँड्रेअस मधील ब्लेक गेन्ज आणि बेवॉच मधील समर क्वीन या भुमिकेंसाठी ओळखली जाते.

डडॅरिओ हिने टेक्सास चेनसॉ थ्रीडी व हॉल पास या चित्रपटांत भूमिका केलीली आहे. व्हाईट कॉलर, इट्स ऑलवेज सनी इन फिलाडेल्फीया, ट्रू डिटेक्टिव्ह, न्यू गर्ल आणि अमेरिकन हॉरर स्टोरी यांसारख्या मालिकांत अतिथी भूमिका केली आहे.

डडॅरिओ चा जन्म न्युयॉर्क शहरात झाला. ती वकील असलेल्या क्रिस्टिना आणि न्यू यॉर्क शहर पोलीस दहशदवादी विरोधी पथकाचे माजी प्रमुख रिचर्ड डडॅरिओ यांची मोठी मुलगी आहे. तिला एक भाऊ मॅथ्यु आणि कॅथरीन नावाची बहीण आहे.

वयाच्या १६ व्या वर्षी डडॅरिओने मालिकांत काम करण्यास सुरुवात केली. ऑल माय चिल्ड्रन मालिकेत तिने लॉरी लुईस या पीडित किशोरीची भूमिका केली.पर्सी जॅक्सन अँड दि ऑलिंपीयन: दि लाईटनिंग थिफ या चित्रपटात अ‍ॅनाबेथ चेस ही प्रमुख भूमिका केली तसेच व्हाईट कॉलर मालिकेत केट मोरो, पॅरेण्टहूड मध्ये रॅशेल या भूमिका केल्या आहेत. ती २०१२ मध्ये इमॅजिन ड्रॅगन च्या रेडिओअ‍ॅक्टिव्ह व्हिडिओत झळकली आहे. तिने टेक्सास चेनसॉत हीथर मिलर, पर्सी जॅकसनच्या व्दितीय भागात आणि बरिइंग दि एक्स या चित्रपटांत काम केले आहे. २०१४ मध्ये डडॅरिओने ट्रू डिटेक्टिव्ह मध्ये छोटी भूमिका केली. नंतर सॅन अँड्रेअस मध्ये ब्लेक गेन्ज ची भूमिका केली. त्यानंतर इतर मालिकांत विविध भूमिका केल्यात. २०१७ मध्ये डडॅरिओने बेवॉच , दि लेओव्हर आणि २०१८ मध्ये वेट या संगीत व्हिडिओत काम केलेले आहे.