अप्सरा रेड्डी
| अप्सरा रेड्डी | |
| राजकीय पक्ष | अखिल भारतीय अण्णा द्रविड मुन्नेत्र कळघम(एप्रिल २०२० पासून) |
|---|---|
| मागील इतर राजकीय पक्ष | काँग्रेस (सप्टेंबर २०१८ ते एप्रिल २०२०) |
| व्यवसाय | ज्येष्ठ पत्रकार/राजकारणी/सामाजिक कार्यकर्ते |
अप्सरा रेड्डी (जन्माने अजय रेड्डी ) ही एक भारतीय ट्रान्सवुमन (लिंगपरीवर्तन) केलेली राजकारणी आणि पत्रकार आहेत.[१] यापूर्वी २०१६ मध्ये माजी मुख्यमंत्री जे. जयललिता यांनी अखिल भारतीय अण्णा द्रविड मुनेत्र कळघमच्या राष्ट्रीय प्रवक्त्या म्हणून त्यांचा समावेश केला होता.[२] ८ जानेवारी २०१८ रोजी, रेड्डी काँग्रेसमध्ये पद धारण करणारी पहिली ट्रान्सजेंडर व्यक्ती बनली. त्या ए.आय.ए.डी.एम.के. मध्ये परतली आणि २०२१ च्या राज्य निवडणुकीत स्टार प्रचारक म्हणून प्रचार केला.[३]
प्रारंभिक जीवन आणि शिक्षण
अप्सरा रेड्डी यांनी मोनाश विद्यापीठातून पत्रकारितेत बीए पदवी आणि लंडनमधील सिटी युनिव्हर्सिटीमधून विकासात्मक अर्थशास्त्रावर विशेष लक्ष केंद्रित करून ब्रॉडकास्टिंगमध्ये एमए केले आहे. त्या मोनाश विद्यापीठात ओव्हरसीज स्टुडंट्स सर्व्हिसच्या अध्यक्षा होत्या.[४]
कारकिर्द
अप्सरा रेड्डी यांनी बीबीसी वर्ल्ड सर्व्हिस, द हिंदू, लंडनमधील कॉमनवेल्थ सचिवालय,[५] न्यू इंडियन एक्सप्रेस आणि डेक्कन क्रॉनिकलमध्ये काम केले आहे. त्यांनी उपभोक्तावाद, राजकारण, सेलिब्रिटी जीवनशैली आणि शिक्षण या विषयांवर स्तंभ लिहिले आहेत. त्यांनी अमिताभ बच्चन, ऐश्वर्या राय, माजी पंतप्रधान ऑस्ट्रेलिया जॉन हॉवर्ड, एफ.वन रेसर मायकेल शूमाकर, एआर रहमान आणि हॉलिवूड स्टार निकोलस केज यांची मुलाखत घेतली आहे . त्यांनी श्रीलंका, भारत आणि इंडोनेशिया मधील सुनामी देखील कव्हर केली आहे.[६]
अप्सरा रेड्डी यांचा तामिळनाडूमध्ये एक दूरचित्रवाणी कार्यक्रम होता. त्यांनी मेलबर्न येथील भारतीय वाणिज्य दूतावासात महावाणिज्य दूत डॉ . टीजे राव यांचे माध्यम सल्लागार म्हणून काम केले आहे.
अप्सरा रेड्डी यांनी संपूर्ण तामिळनाडूमध्ये आरोग्य अभियान सुरू करण्यासाठी युनिसेफसोबत काही काळ काम केले.
२०१३ पासून, त्यांनी थंथी टीव्हीवर प्रसारित नटपुदन अप्सरा हा तमिळ शो होस्ट केला.
त्यांनी माद्रिदमधील युरोपियन संसदेचे सत्र, द वर्ल्ड प्राइड समिट, युनिसेफ आणि गोल्डमन सॅक्स, नॅसकॉम इंडीया सारख्या शीर्ष संस्था आणि अगदी प्रिन्स्टन विद्यापीठासह विविध उच्च-प्रोफाइल प्लॅटफॉर्मवर देखील बोलले आहे.
राजकारण
मे २०१६ मध्ये त्या ऑल इंडिया अण्णा द्रविड मुनेत्र कळघम (ए.आय.ए.डी.एम.के) मध्ये सामील झाल्या.[७] यापूर्वी, त्यांनी फेब्रुवारी २०१६ मध्ये भारतीय जनता पक्षात प्रवेश केला होता.[८][९][१०] जानेवारी २०१९ मध्ये, राहुल गांधी यांनी त्यांना अखिल भारतीय महिला काँग्रेसच्या राष्ट्रीय सरचिटणीस म्हणून नियुक्त केले होते.[११] नोव्हेंबर २०२० मध्ये, आगामी तामिळनाडू विधानसभा निवडणुकीपूर्वी त्यांनी ऑल इंडिया अण्णा द्रविड मुनेत्र कळघम मध्ये पुन्हा प्रवेश केला.[१२]
संदर्भ
- ^ ""எனக்கு நானே ஒரு கிஃப்ட்!" - அப்சரா ரெட்டி | அப்சரா ரெட்டி". www.vikatan.com/ (तामिळ भाषेत). 2013-07-11. 12 January 2019 रोजी मूळ पान पासून संग्रहित. 2019-01-12 रोजी पाहिले.
- ^ "After Khushbu Sundar, Apsara Reddy deserts Congress, to rejoin AIADMK".
- ^ "Apsara Reddy, Congress Party's First Transgender Office-Bearer, On Life, Love And Politics". HuffPost (इंग्रजी भाषेत). 2019-02-05. 2021-03-31 रोजी पाहिले.
- ^ "Meet Apsara Reddy, Congress's first transgender women's wing general secretary". Qrius (इंग्रजी भाषेत). 2019-01-10. 2019-05-25 रोजी पाहिले.
- ^ "Apsara Reddy Becomes First Transgender Office-bearer In Congress's History". FIFTY SHADES OF GAY (इंग्रजी भाषेत). 2019-01-09. 25 May 2019 रोजी मूळ पान पासून संग्रहित. 2019-05-25 रोजी पाहिले.
- ^ "Congress appoints transgender activist Apsara Reddy as general secretary of its women wing". NewsX (इंग्रजी भाषेत). 2019-01-08. 25 May 2019 रोजी मूळ पान पासून संग्रहित. 2019-05-25 रोजी पाहिले.
- ^ "Chennai 360 – Chennaionline". chennaionline.com. 2015-02-17 रोजी मूळ पान पासून संग्रहित. 2023-04-09 रोजी पाहिले.
- ^ "From lotus to two leaves in a jiffy". The Hindu. 11 May 2016 – www.thehindu.com द्वारे.
- ^ Meet Apsara Reddy, latest sensational Politician from BJP
- ^ Vasudevan, Shilpa (April 2, 2016). "Third gender pitches for lead role in politics". The Times of India.
- ^ "Congress appoints Apsara Reddy as the first transgender National General Secretary of AIMC". Newsd www.newsd.in (इंग्रजी भाषेत). 2018-01-08 रोजी पाहिले.
- ^ "After Khushbu Sundar, Apsara Reddy deserts Congress, to rejoin AIADMK".