अंधारी

अंधारी हे भारतातील महाराष्ट्र राज्यातील उत्तर मराठवाड्यातील छत्रपती संभाजीनगर जिल्ह्यातील सिल्लोड तालुक्यातील एक महा मोठे गाव आहे. हे गाव सिल्लोड तालुक्यातील प्रमुख बाजारपेठ आहे. ह्या गावाला ऐका बसस्टँड ची गरज आहे.

अंधारी हे गाव छत्रपती संभाजीनगर पासून उत्तरेस 60किमी, सिल्लोड शहरापासून दक्षिणेस 20किमी,जळगाव शहरापासून दक्षिणेस 90किमी अंतरावर आहे,छत्रपती संभाजीनगर जिल्ह्याचा सिल्लोड तालुक्याचा अंधारी महसूल विभागातील गाव आहे.ज्याचा शेजारी जतवा (फुलंब्री तालुका),मोहरा(कन्नड तालुका) आहे.

पावसाळ्यात येथे भरपूर प्रमाणात पाऊस पडतो आणि हवामान समशीतोष्ण राहते. हिवाळ्यात येथील हवामान थंड असते व अनेकदा सकाळी धुके पडते. उन्हाळ्यात हवामान उष्ण असते. पावसाळ्यात येथे भातशेती, नागलीशेती केली जाते.

हे खूप मोठे गाव आहे.२०११ च्या भारतीय जनगणनेनुसार गावात 2000 कुटुंबे राहतात. एकूण 20000 लोकसंख्या आहे आणि सिल्लोड तालुक्यातील दुसरे सर्वात मोठे गाव आहे. मुख्यतः मराठा व माळी समाजातील लोक येथे राहतात. मराठा आणि माळी समाजातील लोकांचा शेती हा मुख्य व्यवसाय असून दुसरे समाज शेतमजूर, वीटभट्टीमजूर, कामगार म्हणून काम करतात. ते काही प्रमाणात कुक्कुटपालन, बकरीपालन सुद्धा करतात,व्यापाराचा दृष्टीने अंधारी हे सिल्लोड तालुक्यातच नाही तर संपूर्ण जिल्ह्यात प्रसिद्ध आहे.

गावात प्राथमिक शिक्षण,प्राथमिक आरोग्यसेवा, रस्ते वीजपुरवठा, सार्वजनिक स्वच्छता,पाणी पुरवठा इत्यादी आवश्यक गोष्टी उपलब्ध आहेत.महाराष्ट्र राज्य परिवहन महामंडळाच्या बस छत्रपती संभाजीनगर बस स्थानकावरून येथे येण्यासाठी ठराविक वेळी उपलब्ध असतात. रिक्षा सुद्धा छत्रपती संभाजीनगर हून उपलब्ध असतात, सिल्लोड वरून येथे येण्यासाठी बस उपलब्ध नाही त्यामुळे तुम्हाला अंधारी फाटा(आळंद)येथे उतरावे लागेल,छत्रपती संभाजीनगर,सोयगाव,पाचोरा आणि कन्नड हून अंधरीला येण्यासाठी ठराविक वेळेत बस उपलब्ध आहे.

लोनवडी, उपलि, टाकळी, मोहरा, नाचांवेल, आळंद, बोधेगाव , वाकी, चिंचोली, पळशी, केरहाला ही जवळपासची गावे आहेत.अंधारी सर्कल मध्ये अंधारी, लोनवाडी, महसला खु,महस्ला बू,टाकळी खु, सवखेडा खू, सावखेडा बु,तळणी,कासोड, दिडगाव, उप्ली ही गावे येतात.