२०२२ इंडियन प्रीमियर लीग

इंडियन प्रीमियर लीग २०२२
तारीख	२६ मार्च – २९ मे २०२२
व्यवस्थापक	भारतीय क्रिकेट नियामक मंडळ
क्रिकेट प्रकार	२०-२० सामने
स्पर्धा प्रकार	गट फेरी आणि बाद फेऱ्या[१]
यजमान	भारत
विजेते	गुजरात टायटन्स (१ वेळा)
उपविजेते	राजस्थान रॉयल्स
सहभाग	१०
सामने	७४
मालिकावीर	जोस बटलर (राजस्थान रॉयल्स)
सर्वात जास्त धावा	जोस बटलर (राजस्थान रॉयल्स) (८६३)
सर्वात जास्त बळी	युझवेंद्र चहल (राजस्थान रॉयल्स) (२७)
अधिकृत संकेतस्थळ	अधिकृत संकेतस्थळ
← २०२१ (आधी) (नंतर) २०२३ →

२०२२ भारतीय प्रीमियर लीग, आयपीएल १५ किंवा टाटा आयपीएल २०२२ (प्रायोजित नाव),^[२] हा भारतीय प्रीमियर लीग (आयपीएल)चा पंधरावा मोसम असणार आहे, ही एक व्यावसायिक ट्वेंटी२० क्रिकेट लीग आहे जी भारतीय क्रिकेट नियामक मंडळाने २००७ मध्ये सुरू केली. स्पर्धा २६ मार्च २०२२ रोजी सुरू होईल आणि २९ मे २०२२ रोजी अंतिम फेरीने समारोप होणार आहे. स्पर्धेची गट फेरी संपूर्णपणे महाराष्ट्रात खेळवली जाईल, मुंबई आणि पुणे हे सामने आयोजित करतील.^[३][४] स्पर्धेचे संपूर्ण वेळापत्रक ६ मार्च २०२२ रोजी जाहीर करण्यात आले.^[५]

ह्या मोसमामध्ये दोन नवीन फ्रँचायझींच्या समावेशासह लीगचा विस्तार होणार आहे.^[६][७] २०११ च्या स्पर्धेनंतर दहा संघ असणारी ही दुसरी स्पर्धा ठरेल.^[८] चेन्नई सुपर किंग्स हे गतविजेते आहेत, त्यांनी मागील हंगामात चौथे विजेतेपद पटकावले आहे.^[९]

अंतिम सामन्यामध्ये राजस्थान रॉयल्सचा ७ गडी राखून पराभव करत गुजरात टायटन्सने पहिले वहिले आयपीएल विजेतेपद आपल्या नावावर केले.

मागील काही हंगामात आणखी दोन संघ आयपीएल मध्ये सामील होण्याच्या बातम्या येत होत्या,^{[१०][११][१२]} परंतु बीसीसीआयने त्यांच्या ८९व्या सर्वसाधारण सभेमध्ये जाहीर केले की लीगचा विस्तार २०२२ मध्येच होईल.^{[१३][१४]} ऑगस्ट २०२१ मध्ये, बीसीसीआयने ने पुष्टी केली की २०२२ च्या हंगामापासून दोन नवीन फ्रँचायझी लीगमध्ये सामील होतील. बीसीसीआयने निवडलेल्या सहा शहरांपैकी दोन शहरांमध्ये फ्रँचायझी असतील अशी घोषणाही करण्यात आली. निवडलेली सहा शहरे होती: अहमदाबाद, कटक, धरमशाला, गुवाहाटी, इंदूर आणि लखनौ.^{[१५][१६]}

२५ ऑक्टोबर २०२१ रोजी आयोजित बंद बोलीमध्ये, RPSG समूह आणि CVC कॅपिटलने दोन संघांसाठी बोली जिंकल्या.^{[१७][१८]} RPSG ने लखनौसाठी ₹७,०९० कोटी (US$९४० दशलक्ष) दिले, तर CVC ने अहमदाबाद ₹५,६२५ कोटी (US$७५० दशलक्ष)मध्ये जिंकले.^{[१९][२०]} लखनौ संघाचे नाव २४ जानेवारी २०२२ रोजी लखनौ सुपर जायंट्स म्हणून ठेवण्यात आले,^[२१] तर अहमदाबाद संघाचे नाव ९ फेब्रुवारी २०२२ रोजी गुजरात टायटन्स असे करण्यात आले.^[२२]

विवोने ११ जानेवारी २०२२ रोजी स्पर्धेचे शीर्षक प्रायोजक म्हणून माघार घेतली. यापूर्वी २०२० मध्ये प्रायोजक म्हणून बाहेर पडलेल्या विवो ने २०२३ पर्यंत शीर्षक प्रायोजक म्हणून करार केला होता. विवोच्या उर्वरित करारासाठी टाटा समूहाला शीर्षक प्रायोजक म्हणून निवडले गेले.^{[२३][२४]}

प्रत्येक विद्यमान संघाला आपले जास्तीत जास्त चार खेळाडू ठेवण्याची परवानगी होती, तर दोन नवीन संघांना लिलावापूर्वी जास्तीत जास्त तीन खेळाडू निवडण्याची परवानगी होती.^[२५] ३० नोव्हेंबर २०२१ रोजी विद्यमान आठ संघांमधील कायम ठेवलेल्या खेळाडूंची घोषणा करण्यात आली,^{[२६][२७]} आणि दोन नवीन संघांनी २२ जानेवारी २०२२ रोजी त्यांच्या खेळाडूंची नावे जाहीर केली.^{[२८][२९]}

लिलाव १२ आणि १३ फेब्रुवारी २०२२ रोजी बेंगळुरू येथे झाला.^[३०] मुंबई इंडियन्सने १५.२५ कोटी (US$३.३९ दशलक्ष) मध्ये विकत घेतलेला इशान किशन हा लिलावातील सर्वात महागडा खेळाडू होता.^[३१] सर्वात महागडा परदेशी खेळाडू लियाम लिविंगस्टोन होता, त्याला पंजाब किंग्सने ११.५० कोटी (US$२.५५ दशलक्ष) मध्ये विकत घेतले.^[३२]

विजेतेपदाच्या आधारे संघांची दोन गटात विभागणी करण्यात आली आहे. १० संघ प्रत्येकी १४ लीग सामने खेळतील. गट फेरीत ७० सामने खेळवले जातील. सर्व संघ स्वतःच्या गटातील चार संघांविरुद्ध प्रत्येकी दोन सामने खेळतील. त्याशिवाय दुसऱ्या गटातील एकसारख्या क्रमवारी असलेल्या संघाशी दोन तर उर्वरित चार संघांविरुद्ध एक सामना खेळण्याची संधी असेल. यासाठी संघांची दोन आभासी गटांत विभागणी करण्यात आली आहे. आयपीएल विजेतेपदाच्या आधारे हा निर्णय घेण्यात आला आहे.^[३]

आभासी गट खाली नमूद केल्याप्रमाणे आहेत:

गट फेरीचे सामने मुंबईतील तीन आणि पुण्यातील एका मैदानावर झाले. मुंबईतील वानखेडे स्टेडियम आणि डी.वाय. पाटील स्टेडियम या दोन्ही ठिकाणी प्रत्येकी २० सामने झाले, तर ब्रेबॉर्न स्टेडियम आणि पुण्यातील महाराष्ट्र क्रिकेट असोसिएशन स्टेडियममध्ये प्रत्येकी १५ सामने झाले. प्रत्येक संघ वानखेडे आणि डीवाय पाटील स्टेडियमवर प्रत्येकी चार सामने आणि ब्रेबॉर्न आणि एमसीए स्टेडियमवर प्रत्येकी तीन सामने खेळळे.^[३३]

मुंबई

पुणे

नवी मुंबई

कोलकाता

अहमदाबाद

मुंबई		नवी मुंबई	पुणे	कोलकाता	अहमदाबाद
वानखेडे स्टेडियम	ब्रेबॉर्न स्टेडियम	डी.वाय. पाटील स्टेडियम	महाराष्ट्र क्रिकेट असोसिएशन स्टेडियम	ईडन गार्डन्स	नरेंद्र मोदी स्टेडियम
प्रेक्षक क्षमता: ३३,१०८	प्रेक्षक क्षमता: २०,०००	प्रेक्षक क्षमता: ५५,०००	प्रेक्षक क्षमता: ३७,०००	प्रेक्षक क्षमता: ६६,०००	प्रेक्षक क्षमता: १,३२,०००

*स्रोत: आयपीएल टी२० गुणफलक

त्यावेळी खेळल्या जाणाऱ्या आयपीएल सीझनमध्ये खेळल्या गेलेल्या सर्व सामन्यांमध्ये सर्वाधिक विकेट घेणाऱ्या खेळाडूलापर्पल कॅप दिली जाते. त्यावेळी खेळल्या जाणाऱ्या आयपीएल सीझनमध्ये खेळल्या गेलेल्या सर्व सामन्यांमध्ये सर्वाधिक धावा करणाऱ्या खेळाडूला ऑरेंज कॅप दिली जाते|

गट फेरीच्या सामन्यांचे वेळपत्रक आयपीएलच्या अधिकृत संकेतस्थळावर ६ मार्च २०२२ रोजी प्रकाशित करण्यात आले.^[५]

अंतिम सामना २९ मे रोजी खेळवला जाईल.^[३९] प्लेऑफ फेरीचे वेळापत्रक २३ एप्रिल २०२२ रोजी जाहीर करण्यात आले.^[४०]

पात्रता सामना १

एलिमिनेटर

पात्रता सामना २

•   ऑरेंज कॅप

•   पर्पल कॅप

• स्रोत:^[४१]

• अधिकृत संकेतस्थळ
• मालिका मुख्यपान इएसपीएन क्रिकइन्फोवर