२०१७ आयसीसी विश्व क्रिकेट लीग विभाग तीन

२०१७ आयसीसी क्रिकेट लीग विभाग तीन
व्यवस्थापक	आंतरराष्ट्रीय क्रिकेट समिती
क्रिकेट प्रकार	५०-षटके
स्पर्धा प्रकार	साखळी सामने आणि बाद फेरी
यजमान	युगांडा
विजेते	ओमान
सहभाग	६
सामने	१८
सर्वात जास्त धावा	भाविंदू अधिहेट्टी (२२२)
सर्वात जास्त बळी	खावर अली (१४)
दिनांक	२३ – ३० मे २०१७
← २०१४ (आधी) (नंतर) २०१८ →

२०१७ आयसीसी क्रिकेट लीग विभाग तीन ही क्रिकेट स्पर्धा २३ ते ३० मे २०१७ दरम्यान युगांडा येथे पार पडली.^[१] स्पर्धेतील सामने लुगोगो, क्याम्बोगो आणि एंटेबी येथे पार पडले.^[२] स्पर्धेतील ओमान आणि कॅनडा ह्या पहिल्या दोन स्थानांवरील संघांना, विभाग दोन मध्ये बढती मिळाली.^[३] पावसामुळे अंतिम सामना अनिर्णित राहिला आणि गट फेरीतील पहिल्या स्थानावर राहिल्याने ओमानला स्पर्धेतील विजेता संघ म्हणून घोषित करण्यात आले.^[४]

स्पर्धेच्या यजमानपदासाठी कॅनडा, मलेशिया आणि युगांडा ह्या तीन देशांनी बोली लावली होती.^[५] ऑक्टोबर २०१६ मध्ये, सुरक्षाव्यवस्था आणि खर्चाची योग्य व्यवस्था असल्यास, आंतरराष्ट्रीय क्रिकेट समितीने स्पर्धेसाठी युगांडाचा प्रस्ताव मान्य केला.^[६] डिसेंबर २०१६ मध्ये दोन आयसीसी अधिकाऱ्यांनी, देशाची फर्स्ट लेडी जॅनेट मुसेवेनी आणि पंतप्रधान रुहाकाना रुगुंडा यांची भेट घेतली. मुसोविनींनी ह्यावेळी स्पर्धेला पाठींबा दर्शविला.^[५]

पात्र संघांची नावे खालीलप्रमाणे:

•  युगांडा (५वे स्थान - २०१५ आयसीसी विश्व क्रिकेट लीग विभाग दोन)
•  कॅनडा (६वे स्थान - २०१५ आयसीसी विश्व क्रिकेट लीग विभाग दोन)
•  मलेशिया (३रे स्थान - २०१४ आयसीसी विश्व क्रिकेट लीग विभाग तीन)
•  सिंगापूर (४थे स्थान - २०१४ आयसीसी विश्व क्रिकेट लीग विभाग तीन)
•  अमेरिका (१ले स्थान - २०१६ आयसीसी विश्व क्रिकेट लीग विभाग चार)
•  ओमान (२रे स्थान - २०१६ आयसीसी विश्व क्रिकेट लीग विभाग चार)

स्पर्धा खालील मैदानांवर पार पडली:

• लूगोगो क्रिकेट ओव्हल, लुगोगो मैदान, कम्पाला
• क्याम्बोगो क्रिकेट ओव्हल, क्याम्बोगो युनिव्हर्सिटी, कम्पाला
• एन्टेब्बे क्रिकेट ओव्हल, एन्टेब्बे

अमेरिकेने मार्च महिन्यात ह्युस्टन, टेक्सास येथे एक निवड शिबिर आयोजित केले, ज्यामध्ये प्रथम श्रेणीतील अनुभव असलेल्या इब्राहिम खलील, रॉय सिल्वा आणि कॅमिलस अलेक्झांडर ह्या तीन खेळाडूंसह ५० खेळाडू होते.^[७] स्पर्धा सुरू होण्या आधी दक्षिण आफ्रिकेतील सहा दिवसांच्या दौऱ्यातसुद्धा अमेरिकेने भाग घेतला.^[८] स्पर्धेपूर्वी मलेशिया संघ एसीसी इमर्जिंग टीम्स एशिया कप २०१७ स्पर्धेमध्ये खेळला,^[९] कॅनडा संघ बार्बाडोस येथे काही सराव सामन्यांमध्ये सहभागी झाला^[१०] आणि युगांडाने केन्याला पाच ५०-षटकांचे सामने खेळण्यास आमंत्रित केले होते.^[११] कॅनडा संघ झिम्बाब्वेत तीन सराव सामने सुद्धा खेळला.^[१२]

स्पर्धेसाठी खालील खेळाडूंची नियुक्ती करण्यात आली:^[१३]

कॅनडा[१४] प्रशिक्षक: हेन्री ओसिंडे	मलेशिया[१५] प्रशिक्षक: बिलाल असद	ओमान[१६] प्रशिक्षक: दुलिप मेंडीस	सिंगापूर[१७] प्रशिक्षक: ट्रेव्हर चॅपल	युगांडा[१८] प्रशिक्षक: स्टीव्ह टिकोलो	अमेरिका[१९] प्रशिक्षक: पुबुदु दस्सानायके
नितीश कुमार (क) जिमी हंस्रा जुनैद सिद्दीकी डुरंड सोरेन धनुका पतिराना नवनीत ठालीवाल निखिल दत्ता भाविंदू अधिहेट्टी मार्क मॉनफोर्ट रिझ्वान चीमा सत्सिमरणजीत धिंडसा साद बिन झाफर सेसिल परवेझ हमजा तारिक	अहमद फैज (क) अन्वर अरुदिन अन्वर रहमान अमिनुद्दीन रामली खिझर हयात चे वान झलाटी डेरेक दुराईसिंगम पवनदीप सिंग फिक्री मक्रम मोहम्मद वफीक विरनदीप सिंग शफीक शरीफ (य) शुक्री रहीम सैयद अझीज	सुलतान अहमद (क) खावार अली मुनीस अंसारी ट्विंकल भंडारी अकिब इलियास बिलाल खान अजय लालचेटा झीशान मकसूद सुफ्यान महमूद मोहम्मद नदीम मुहम्मद नसीम अरुण पाउलोस नूरुल रियाझ जतिंदर सिंग	चेतन सूर्यवंशी (क) अनंत कृष्णा अनीश पराम अमजद महबूब अर्जुन मुत्रेजा क्षितिज शिंदे चमिंडा रुवान जनक प्रकाश नवीन परम पराग दहिवाल मुलेवा धर्मिचंद रोहन रंगराजन सुरेंद्रन चंद्रमोहन सुरेश अप्पुसामी सेलाडोर विजयकुमार	डेव्हिस एरीनिट्वे (क) ब्रायन मसाबा (उक) हमू कायोंडो आर्थर कयोब शाजाद कमल डेशुल्डिट मुहुमुझा रॉजर मुकास फ्रँक न्सुबुगा आरनॉल्ड ओटवाणी इरफान साहिबझाबा जोनाथन सेबन्जा लॉरेन्स सेमातिम्बा हेनरी सेन्योन्दो चार्ल्स वैस्वा	स्टीवन टेलर (क) टिमरॉय ॲलन कॅमिलस अलेक्झांडर ॲलेक्स ॲमस्टरडॅम फहाद बाबर अकीम डॉडसन एल्मोर हचिन्सन नॉश्टुश केन्जीगे इब्राहिम खलील (य) अली खान मृणाल पटेल सागर पटेल तिमिल पटेल जसदीप सिंह निकोलस स्टँडफोर्ड

लॉस एन्जेल्स येथील प्रशिक्षणादरम्यान झालेल्या हाताच्या दुखापतीतून न सावरल्याने फहाद बाबरऐवजी सागर पटेलची निवड अमेरिकेच्या संघात करण्यात आली.^[२०]