२०१० क्युबा विमान दुर्घटना
 सी.यु.-टी१५४९, क्रॅश केलेले विमान. | |
| अपघात सारांश | |
|---|---|
| तारीख | नोव्हेंबर ४, २०१० |
| प्रकार | अन्वेषणाधीन |
| स्थळ | 21°44′39″N 79°28′16″W / 21.744194°N 79.470978°W |
| प्रवासी | ६१ |
| कर्मचारी | ७ |
| जखमी | ० |
| मृत्यू | ६८ (सगळे) |
| बचावले | ० |
| विमान प्रकार | ए.टी.आर. ७२-२१२ |
| वाहतूक कंपनी | एरो कॅरिबियन |
| विमानाचा शेपूटक्रमांक | सी.यु.-टी१५४९ |
| पासून | तूसैं लूव्हर्चर आंतरराष्ट्रीय विमानतळ, पोर्ट औ प्रिन्स, हैती |
| शेवट | होजे मार्टी आंतरराष्ट्रीय विमानतळ, हवाना, क्युबा |
एरो कॅरिबियन फ्लाइट ८८३ हे एरो कॅरिबीयन या विमानसेवेचे विमान नोव्हेंबर ४ इ.स. २०१० रोजी दुर्घटनाग्रस्त होउन त्यातील सर्व, ६१ प्रवासी व चालकदलाचे ७ सदस्य यांचा मृत्यू झाला. ही हैती येथील पोर्ट औ प्रिन्स ते सेंटियागो डि क्युबा मार्गे क्युबामधील हवाना येथे जाणारी नियमित आंतरराष्ट्रीय प्रवासी विमानसेवा होती.उड्डाणादरम्यान एटीआर-७२-२१२ प्रकारचे हे विमान सेंट्रल क्युबन प्रॉव्हींस क्युबा मध्ये दुर्घटनाग्रस्त झाले.या विमानात असणारे सर्व,७ चालकदल सदस्यासहीत ६१ प्रवासी ठार झालेत.एटीआर-७२ या जातीच्या विमानांच्या अपघातापैकी हा सर्वात वाईट, तर आजवर क्युबामध्ये झालेल्या विमान अपघातांमध्ये तीसऱ्या क्रमाचा वाईट अपघात आहे.
विमान
सीयु-टी१५४९ म्हणुन नोंदविलेले एटीआर-७२ जातीचे हे विमान[१] एरो कॅरिबियनमध्ये ऑक्टोबर २००६पासुन कार्यरत होते.[२] हे विमान 'कॉन्टीनेन्टल एक्सप्रेस'या विमानकंपनीने १९९५मध्ये विकत घेतले होते. एरो कॅरिबीयन ही विमानसेवा कंपनी त्यास २००६ मध्ये विकत घेणारी त्याची तिसरी मालक होती.[२]. उत्पादकानुसार या विमानाने सुमारे २५,००० विमानोड्डाणतासात ३४,५०० उड्डाणे केली होती.[१] एरो कॅरिबीयन क्युबाच्या सरकारच्या पूर्ण मालकीची कंपनी आहे.[३]
अपघात
हे विमान हैती येथील पोर्ट औ प्रिन्स[४] येथुन निघाले. ते सेंटियागो डि क्युबा मार्गे क्युबामधील हवाना येथे जाण्यासाठी दुपारी सुमारे ४:५०ला (स्थानिक वेळ)(20:50-आंतरराष्ट्रीय वेळ).[५]ला निघाले.'हरिकेन टॉमस' या नावाच्या वादळाच्या येण्याच्या संभाव्य सुचनेमुळे बंद करण्यापूर्वी,सेंटियागो डि क्युबा येथील विमानतळावरून निघणारे, त्यादिवशीचे ते शेवटचे विमान होते.[६]
अपघातापूर्वी आणीबाणीचा संदेश देउन, हवानाच्या आग्नेय दिशेस,३३६ कि.मी.अंतरावर असणाऱ्या,ग्वासीमल या शहराजवळ,सुमारे ५:४२ला ते जमिनीवर धडकले.[५] एका प्रत्यक्षदर्शीनुसार,या विमानाने दाट झाडी असलेल्या ठिकाणी खाली पडण्यापूर्वी,अनेक वेड्यावाकड्या हालचाली केल्यात.[१] ग्वासीमल येथील आरोग्यसेवेस जखमींवर उपचारासाठी सतर्कतेची सुचना देण्यात आली होती, परंतु, मध्यरात्रीनंतर,अपघातात कोणीही वाचु न शकल्यामुळे, ती सुचना परत घेण्यात आली.[१]एटीआर-७२ या जातीच्या विमानांच्या अपघातापैकी हा सर्वात वाईट, तर आजवर क्युबामध्ये झालेल्या विमान अपघातांमध्ये तीसऱ्या क्रमाचा वाईट अपघात आहे.[२] सन १९८९ मध्ये, ३ सप्टेंबरला क्युबाना डि एव्हीयाशनच्या एका विमानापघातानंतर, १७१ व्यक्ति ठार झाल्या होत्या,[७], व २७ मे १९७७ला आणखी एका अपघातात,६९ व्यक्ति दगावल्या होत्या.[८].
शोधमोहिम व बचावकार्य
बचावदलास अपघातस्थळी पोचण्यास, मार्गातील दाट झाडी बुलडोझरने रातोरात साफ करावी लागली.अधिकाऱ्यांनी अपघातस्थळास गराडा घातला व वृत्तसंकलकांना तेथे जाण्यास मज्जाव केला.विमान कोसळण्याने व स्फोटामुळे पूर्णपणे नष्ट झाले होते व प्रवाश्यांचे देह वाईटरित्या जळले होते.अपघाताच्या अनेक तासानंतरही विमानाचे अवशेष जळत होते.[९] सापडलेले मृतदेह हे क्युबाच्या न्यायवैद्यक संस्थेत ओळखण्यासाठी पाठविले जाणार आहेत.[१]. दुसऱ्या दिवशी म्हणजे ५ नोव्हेंबरला, बचावदलाने फ्लाइट डाटा व कॉकपिट व्हाईस रेकॉर्डर सापडविला.तो अन्वेषकांना सोपविण्यात आला.त्याने हे कळु शकेल कि,दोन टर्बो इंजिने असलेले हे विमान उड्डाणादरम्यान आकाशातुन कां कोसळले व ज्वालांच्या भक्षस्थानी पडले.[१].
प्रवासी व चालकदल
या विमानातील चालकदल व प्रवासी वेगवेगळ्या देशांचे होते.
| राष्ट्रीयत्व | चालकदल | प्रवासी | एकूण |
|---|---|---|---|
 क्युबा | ७[१] | ३३[१] | ४० |
 आर्जेंटिना | - | ९[१०] | ९ |
 मेक्सिको | - | ७[११] | ७ |
 डच | - | ३[१२] | ३ |
 ऑस्ट्रिया | - | २[१३] | २ |
 जर्मनी | - | २[१३] | २ |
 फ्रेंच | - | १[१३] | १ |
 ईटली | - | १[१३] | १ |
 जपान | - | १[४] | १ |
 स्पेन | - | १[१३] | १ |
 व्हेनेझुएला | - | १[१३] | १ |
| एकूण | ७ | ६१ | ६८ |
अन्वेषण
'इंस्टिट्युटो डि एरोनॉटिका सिव्हिल डि क्युबा' ही क्युबामधील विमान अपघातांचे अन्वेषण करणारी संस्था आहे.एटीआर विमान कंपनी व फ्रांसचे 'नागरी विमानन अपघात सुरक्षा चौकशी व पृथक्करण ब्युरो' हे सरकारी खाते यात मदत करेल.[१४][१५]
प्रतिक्रिया
- आर्जेंटिनाचे राष्ट्राध्यक्ष क्रिस्टिना फर्नांदेझ यांनी मृतांच्या नातेवाईकांना घेउन एक विमान पाठविले.[१]
- स्पेनचे पंतप्रधान होजे लुइस रॉद्रिगेझ झपातेरो यांनी आपल्या संवेदना कळविल्या.[१]
- दक्षिण आफ्रिकेचे राष्ट्राध्यक्ष झुमा यांनी क्युबा विमान अपघाताबद्दल आपल्या संवेदना कळविल्या.[१६]
संदर्भ
- ^ a b c d e f g h i j "क्युबामध्ये ६८ प्रवासी असलेले विमान दुर्घटनाग्रस्त झाल्याचे सांगीतले जाते.(इंग्लिश मजकूर)". 5 November 2010 रोजी पाहिले.
- ^ a b "अपघाताचे वर्णन (इंग्लिश मजकूर)". 2010-11-08 रोजी मूळ पान पासून संग्रहित. 5 November 2010 रोजी पाहिले. Unknown parameter
|Publisher=ignored (|publisher=suggested) (सहाय्य) - ^ फ्लाइट इंटरनॅशनल 27 March 2007
- ^ a b "प्रवासी विमान क्युबात कोसळले (इंग्लिश मजकूर)". 5 November 2010 रोजी पाहिले.
- ^ a b "६८ लोकांसह विमान क्युबात कोसळल्याचे सांगीतल्या जाते". 5 November 2010 रोजी पाहिले.
- ^ Hradecky, Simon. "अपघातःआणीबाणीचा संदेश देउन विमान क्युबात कोसळले". 5 November 2010 रोजी पाहिले.
- ^ "अपघात वर्णन (इंग्लिश मजकूर)". 2013-10-05 रोजी मूळ पान पासून संग्रहित. 5 November 2010 रोजी पाहिले.
- ^ "अपघात वर्णन (इंग्लिश मजकूर)". 2013-06-26 रोजी मूळ पान पासून संग्रहित. 5 November 2010 रोजी पाहिले.
- ^ "क्युबातील विमान अपघातात ६८ मृत्युमुखी (इंग्लिश मजकूर)". 6 November 2010 रोजी पाहिले.
- ^ "Accidente aéreo en Cuba: estiman que hay 9 argentinos entre los pasajeros" (स्पॅनिश मजकूर भाषेत). 2010-11-06 रोजी मूळ पान पासून संग्रहित. 5 November 2010 रोजी पाहिले.CS1 maint: unrecognized language (link)
- ^ "Пассажирами разбившегося на Кубе самолета были граждане 11 стран" (रशियन मजकूर भाषेत). 5 November 2010 रोजी पाहिले.CS1 maint: unrecognized language (link)
- ^ "3 Nederlanders dood bij crash Cuba" (डच मजकूर भाषेत). 5 November 2010 रोजी पाहिले.CS1 maint: unrecognized language (link)
- ^ a b c d e f "Relación de fallecidos en el accidente de la aeronave ATR-72-212" (स्पॅनिश मजकूर भाषेत). 5 November 2010 रोजी पाहिले.CS1 maint: unrecognized language (link)
- ^ "एटीआर विमान कंपनीचे एरो कॅरिबियन उड्डाण क्र.८८३ बद्दलचे निवेदन[[वर्ग:मृत बाह्य दुवे असणारे सर्व लेख]][[वर्ग:मृत बाह्य दुवे असणारे लेख ]][[[Wikipedia:Link rot|मृत दुवा]]]". 5 November 2010 रोजी पाहिले. URL–wikilink conflict (सहाय्य)[permanent dead link]
- ^ "उड्डाण क्र.८८३ ४ नोव्हेंबर २०१० एटीआर-७२-२१२ नोंदणी-सीयु-टी१५४९". 2011-07-21 रोजी मूळ पान पासून संग्रहित. 5 November 2010 रोजी पाहिले.
- ^ "[१] Archived 2011-07-16 at the Wayback Machine.." BuaNews. November 5, 2010. Retrieved on November 5, 2010.
 इ.स. २०१०मधील विमान अपघातांची यादी | |
|---|---|
डॅन्यूब विंग्स ८२३० (जानेवारी २-५) • कार्गोलक्स ७९३३ (जानेवारी २१) • तबान एर ६४३७ (जानेवारी २४) • इथियोपियन ४०९ (जानेवारी २५) • त्रिगाना एर १६८ (फेब्रुवारी ११) • ऑस्टिन विमान हल्ला| (फेब्रुवारी १८) • एव्हियास्टार १९०६ (मार्च २२) • पोलंड टी.यु. १५४(एप्रिल १०) • मेरपती नुसांतारा फ्लाइट ८३६ (एप्रिल १३) • कॅथे पॅसिफिक फ्लाइट ७८० (एप्रिल १३) • एरोयुनियन ३०२ (एप्रिल १३) • इंटरआयलंड कार्गो • आफ्रिकिया एरवेझ फ्लाइट ७७१ (मे १२) • मनौस एरो (मे १३) • ब्ल्यु विंग एएन-१२ (मे १५) • पामीर एरवेझ फ्लाइट ११२ (मे १७) • एर इंडिया एक्सप्रेस फ्लाइट ८१२ (मे २२) • एर ब्लू फ्लाइट २०२ (जुलै २८) • २०१० क्युबा विमान दुर्घटना (नोव्हेंबर ४) | |