सुहासिनी मुळ्ये

सुहासिनी मुळ्ये 

भारतीय अभिनेत्री, दिग्दर्शक व निर्माता
माध्यमे अपभारण करा
विकिपीडिया
जन्म तारीख	नोव्हेंबर २०, इ.स. १९५० पाटणा
कार्य कालावधी (प्रारंभ)	इ.स. १९६९
नागरिकत्व	भारत
व्यवसाय	चित्रपट अभिनेता दूरदर्शन अभिनेता अभिनेता assistant director चित्रपट निर्माता
आई	Vijaya Mulay
वैवाहिक जोडीदार	Atul Gurtu
पुरस्कार	राष्ट्रीय चित्रपट पुरस्कार, सर्वोत्कृष्ट सहायक अभिनेत्री (इ.स. १९९९)
अधिकार नियंत्रण  Q7635226 आयएसएनआय ओळखण: 0000000053688276 व्हीआयएएफ ओळखण: 19384731 एलसीसीएन ओळखण: no2004024509 आय.एम.डी.बी. दुवा: nm0611663 National Library of Israel J9U ID: 987007431943805171
रिसोनेंटेर पेटस्केन सखोलीया ओपनस्ट्रीट मॅप शोधक साधन चित्रित शोध

सुहासिनी मुळ्ये (जन्म २० नोव्हेंबर १९५०) ह्या हिंदी, मराठी, आसामी चित्रपट तसेच दूरचित्रवाणीमधील एक भारतीय अभिनेत्री, दिग्दर्शक व निर्माता आहेत. अभिनयासाठी त्यांना फिल्मफेअरचे नामांकन व राष्ट्रीय चित्रपट पुरस्कार मिळाले आहे. तसेच दिग्दर्शक व निर्माता म्हणून त्यांना चार राष्ट्रीय चित्रपट पुरस्कार मिळाले आहेत.^{[१][२][३][४]}

सुहासिनी यांचा जन्म पाटणा येथील एका मराठी भाषिक कुटुंबात झाला जिथे त्यांचे बालपण गेले. त्या फक्त तीन वर्षांच्या असताना त्यांनी त्यांचे वडील गमावले आणि त्यांचे संगोपन त्यांच्या आई, प्रख्यात माहितीपट निर्माते आणि चित्रपट इतिहासकार विजया मुळ्ये यांनी केले. आईमुळे सुहासिनी चित्रपटाकडे आकर्षित झाल्या.^[५]

मुळ्ये अनेक वर्ष लिव्ह-इन रिलेशनशिपमध्ये होत्या जी १९९० मध्ये संपली. १६ जानेवारी २०११ रोजी त्यांचे आर्य समाजातील भौतिकशास्त्रज्ञ प्रा. अतुल गुर्टू यांच्याशी लग्न झाले.^[६]

१९६५ मध्ये त्यांना पियर्स साबणाने मॉडेल म्हणून निवडले. याच जाहिरातीत मृणाल सेनचे लक्ष वेधून घेतले आणि त्यांनी मुळ्येंनाभुवन शोम (१९६९) चित्रपटासाठी निवडले.^[७]

भुवन शोम भारतीय चित्रपटसृष्टीतील मैलाचा दगड ठरला असला तरी सुहासिनीने अभिनयाला कारकीर्द म्हणून पाठपुरावा केला नाही. त्याऐवजी त्यांनी माँत्रिऑल, कॅनडातील मॅकगिल युनिव्हर्सिटीमध्ये माती रसायनशास्त्र आणि सूक्ष्मजीवशास्त्रातील विशेषीकरणासह कृषी तंत्रज्ञानाच्या अभ्यासक्रमासाठी प्रवेश घेतला. त्यांनी मास कम्युनिकेशनमध्ये पदवी देखील मिळवली आणि त्याच विद्यापीठातून चित्रपट, रेडिओ, टीव्ही, पत्रकारिता आणि मुद्रण या विषयात पदवी प्राप्त केली.

त्या १९७५ मध्ये भारतात परतल्या आणि जन अरण्य या बंगाली चित्रपटात सत्यजित राय यांच्या सहाय्यक म्हणून काम केले.^[८] नंतर त्या मृणाल सेनच्या मृगयामध्ये सहाय्यक दिग्दर्शक म्हणून रुजू झाल्या.^[९] तेव्हापासून, त्या सक्रियपणे चित्रपटांची निर्मिती करत आहेत आणि ६० हून अधिक माहितीपट बनवले आहेत. त्यापैकी चारसाठी त्यांना राष्ट्रीय चित्रपट पुरस्कार मिळवले आहेत.

भुवन शोमच्या जवळपास ३० वर्षांनंतर, त्यांनी गुलजारच्या हू तू तू या चित्रपटाद्वारे मुख्य बॉलीवूड सिनेमात उत्कृष्ट पुनरागमन केले ज्यासाठी त्यांना सर्वोत्कृष्ट सहाय्यक अभिनेत्री म्हणून राष्ट्रीय पुरस्कार मिळाला.^[१०] तेव्हापासून त्या बॉलिवूडमध्ये थरल्या महिलांच्या सहाय्यक भूमिका साकारत आहे.

त्यांनी जाने क्या बात हुई, क्यूंकी सास भी कभी बहू थी, मिसमॅच्ड, द फेम गेम, या सारक्या दूरचित्रवाणी मालिकांमध्ये काम केले आहे.