संजय वाघ

संजय वाघ हे एक मराठी लेखक, कवी, बालसाहित्यिक आणि पत्रकार आहेत. त्यांच्या 'जोकर बनला किंगमेकर' या किशोर कादंबरीला २०२१ साली साहित्य अकादमीचा बालसाहित्य पुरस्कार प्राप्त झाला आहे.^[१]

संजय वाघ हे गेल्या ३३ वर्षांपासून पत्रकारितेत कार्यरत आहेत. धुळे येथील दै. आपला महाराष्ट्र, सायं खान्देश तसेच लोकमतचे वार्ताहर व उपसंपादक म्हणून ६ वर्षे तर लोकमत वृत्तपत्रसमूहामध्ये नाशिक येथे उपसंपादक, वरिष्ठ उपसंपादक, मुख्य उपसंपादक व उप वृत्तसंपादक म्हणून त्यांनी २७ वर्षेंसेवा बजावली आहे. मार्च २०२४ पासून ते ‘सकाळ’ वृत्तपत्रसमूहाच्या उत्तर महाराष्ट्र आवृत्तीत वृत्तसंपादक म्हणून कार्यरत आहेत.^{[ संदर्भ हवा ]}

• जोकर बनला किंगमेकर
• गाव मामाचं हरवलं
• बेडकाची फजिती
• गोष्ट बोलक्या पोपटाची
• २६/११ चे अमर हुतात्मे
• गंध माणसांचा
• डॉ. श्रीपाल सबनीस प्रणीत प्रतिभा संगम
• ऊन सावल्या

• 'जोकर बनला किंगमेकर' या किशोर कादंबरीसाठी साहित्य अकादमी, नवी दिल्लीचा २०२१ सालचा बालसाहित्य पुरस्कार प्राप्त.
• सार्वजनिक वाचनालय, नाशिकचा लक्ष्मीबाई टिळक राज्यस्तरीय बालवाङमय पुरस्कार. (जोकर बनला किंगमेकर)
• शिवचरण फाऊंडेशन, मुक्ताईनगरचा, तापी पूर्णा उत्कृष्ट बालकादंबरी पुरस्कार (जोकर बनला किंगमेकर)
• कादवा प्रतिष्ठान पालखेड बंधाराचा स्व. माणिकराव जाधव उत्कृष्ट साहित्यनिर्मिती पुरस्कार (जोकर बनला किंगमेकर)
• सत्यशोधक मुकुंदराव पाटील स्मारक समिती नेवासाचा ‘दीनमित्र’कार मुकुंदराव पाटील उत्कृष्ट बालकादंबरी पुरस्कार (जोकर बनला किंगमेकर)
• सूर्योदय सर्वसमावेशक मंडळ जळगावचा सूर्योदय साहित्य पुरस्कार (जोकर बनला किंगमेकर)
• सार्वजनिक वाचनालयाच्या बालभवन, नाशिकचा उत्कृष्ट बालसाहित्यिक पुरस्कार (जोकर बनला किंगमेकर)
• पार्वतीबाई आव्हाड राज्यस्तरीय उत्कृष्ट काव्यसंग्रह पुरस्कार (गाव मामाचं हरवलं)
• अ. भा. मराठी बालकुमार साहित्य संस्था उदगीरचा कै. लक्ष्मीबाई विठ्ठल केदार स्मृती बालवाङमय पुरस्कार (गाव मामाचं हरवलं)
• अंकुर साहित्य संघ, अकोलाचा हेमंत करकरे स्मृती पुरस्कार (२६/११ चे अमर हुतात्मे)

- जळगावच्या बहिणाबाई चौधरी उत्तण महाराष्ट्र विद्यापीठाच्या एम. ए. द्वितीय वर्षाच्या अभ्यासक्रमात ‘डॉ. श्रीपाल सबनीस प्रणीत प्रतिभा संगम’ या पुस्तकाचा संदर्भ ग्रंथ म्हणून समावेश.^{[ संदर्भ हवा ]}

- नांदेडच्या स्वामी रामानंद तीर्थ विद्यापीठाच्या प्रथम वर्ष कला या वर्गाच्या अभ्यासक्रमात ‘गाव मामाचं हरवलं’ या बालकिशोर काव्यसंग्रहातील ‘झाडबाबा’ या कवितेचा समावेश.^{[ संदर्भ हवा ]}

कोल्हापूर येथील छत्रपती शिवाजी विद्यापीठाच्या एम. ए. प्रथम वर्षाच्या अभ्यासक्रमात 'जोकर बनला किंगमेकर' या किशोर कादंबरीचा समावेश.^{[ संदर्भ हवा ]}