शक्ती अरुलानंदम

अरुलमोझी (जन्म १९६२) या शक्ती अरुलानंदम या नावानेही ओळखल्या जातात.^[१] त्या तामिळनाडू राज्यातील एक भारतीय पर्यावरणवादी कवी, लेखक आणि कलाकार आहेत.^[२][३] त्यांना त्यांच्या कवितेसाठी तंजाई प्रकाश पुरस्कार, सिकाराम पुरस्कार आणि तिरुपूर अरिमा शक्ती पुरस्कार मिळाला आहे.^[४] अरुलानंदम यांचे एक यशस्वी कलाकार म्हणूनही वर्णन केले जाते ज्यांची चित्रे अनेक छोट्या मासिकांमध्ये प्रसिद्ध झाली आहेत.^[१] द हिंदूच्या मते, त्यांची कामगार वर्गाची पार्श्वभूमी, श्रमप्रतिष्ठा आणि कलेची आवड आणि कल्पनांच्या जगाने तमिळ साहित्यात त्यांच्या योगदानाचा प्रभावशाली ठसा उमटवला आहे.^[५]

त्यांचा जन्म तामिळनाडूच्या सेलम जिल्ह्यातील सेवापेट्टाई गावात झाला. अविवाहित राहून उदरनिर्वाहासाठी त्या विद्युत दुरुस्ती कामगार बनल्या.^[१][४] त्या म्हणतात की त्यांची आई ९ व्या वर्गात असताना वारल्यानंतर त्यांना घरातील कामात मदत करण्यासाठी शाळा सोडावी लागली. त्यांनी अविवाहित राहण्याचा निर्णय घेतला कारण त्यांना सेवा करण्याचा तोच जुना मार्ग स्वीकारायचा नव्हता. त्यांनी जयकांथन आणि अकिलन यांसारख्या तमिळ लेखकांच्या लेखनाचे वाचन सुरू ठेवले होते. नंतरच्या तारखेला टंकलेखन नोकरीसाठी १०वी (माध्यमिक शिक्षण) पूर्ण केली. त्याच वेळी त्यांनी इलेक्ट्रिकल दुरूस्तीच्या दुकानात सहाय्यक म्हणून काम करण्यास सुरुवात केली आणि शेवटी दुरुस्ती कशी करायची हे त्या स्वतः शिकल्या. अशा दुकानात कामाचे कोणतेही निश्चित तास नसल्यामुळे त्यांनी चिकटून राहण्याचा निर्णय घेतला. त्यातून आपला काही वेळ वाचनासाठी समर्पित करू शकल्या. त्यांनी काही लेखन आणि रेखाचित्र प्रकाधित केल्या. त्यांची पहिली कविता ती १७-१८ वर्षांची असताना प्रकाशित झाली होती. ती मलाई मलारमध्ये प्रकाशित झाली होती.^[१] जानेवारी २०१९ पर्यंत, अरुलानंदम यांच्या कवितांचे तीन प्रकाशित संकलन आणि पंचवीस लघुकथा आहेत.^[१]

• इरुनमैयिलीरुंथु (अंधारातून)
• परवैकल पुरक्कनिथा नगरम (पक्ष्यांनी ओसाड केलेले शहर)
• थोडुवनमत्र कडल (क्षितिजविहीन महासागर