शकुंतला फडणीस
शकुंतला फडणीस (माहेरच्या शकुंतला बापट) ( , मृत्यू: १६ एप्रिल २०२१, पुणे[१]) या एक मराठी लेखिका आणि बालसाहित्यिक होत्या. शकुंतला फडणीस यांची २०१६ सालापर्यंत २८ पुस्तके प्रकाशित झाली. त्यापैकी तीन पुस्तकांना राज्यस्तरीय व चार पुस्तकांना खासगी पुरस्कार मिळाले आहेत.
कौटुंबिक माहिती
त्यांचे बालपण अमरावतीत गेले. त्यांचे वडील वा.वि. बापट वकील होते तर आई सराफ कुटुंबातील होती.[२]शि.द. फडणीस या व्यंगचित्रकारांच्या त्या पत्‍नी आहेत. त्यांना हिमानी गोगटे आणि रुपाली देवधर नावाच्या दोन मुली, आणि हिमानी, धव, चिन्मय आणि असीम नावाची नातवंडे आहेत.
पुस्तके
- आजीचा धडा आणि इतर कथा
- आत कोण आहे? (बालनाट्य)
- कौतुकाचा गंगाराम
- गुदगुल्या हसऱ्या अन्‌ बोचऱ्या
- चमचम घागर
- पत्राचा प्रवास आणि इतर कथा
- पैज जिंकली छोट्यानं आणि इतर कथा
- फोटोवर टिच्चून
- माझ्या सासूबाई ( प्राथमिक शिक्षक मित्र’च्या अंकातील लेख)
- मी आणि हसरी गॅलरी
- व्यंगचित्रांकित साहित्यसंभार (लोकसत्ताच्या २०१३ सालच्या दिवाळी अंकातला लेख)
- शुभंकरोतीची पन्नास वर्षे (आत्मकथन)
- संवाद हास्यचित्रांशी
- सांगना ग आई आणि गोष्टी
- सोन्यासारखी संधी
- होल्डॉल
पुरस्कार
- महाराष्ट्र शासनाचा उत्कृष्ट बालसाहित्य पुरस्कार [१]
- पुणे महानगर पालिकेचा पुरस्कार [१]
- माई सावरकर स्मृती सन्मान[२]
- मालतीबाई दांडेकर स्मृती सन्मान[२]
- यशवंत-वेणू पुरस्कार[२]
संदर्भ आणि नोंदी
- ^ a b c author/lokmat-news-network (2021-04-18). "लेखिका शकुंतला फडणीस यांचे निधन". Lokmat. 2021-05-09 रोजी पाहिले.
- ^ a b c d "अवघे पाऊणशे वयमान : जगण्याची हसरी लकेर". Loksatta. 2019-09-28. 2021-05-09 रोजी पाहिले.