विष्णु भिकाजी कोलते

विष्णु भिकाजी कोलते
जन्म नाव	डॉ .विष्णू भिकाजी कोलते
जन्म	जून २२, इ.स. १९०८ महाराष्ट्र, भारत
मृत्यू	एप्रिल ८, इ.स. १९९८ नागपूर महाराष्ट्र, भारत
राष्ट्रीयत्व	भारतीय
कार्यक्षेत्र	साहित्य
भाषा	मराठी
साहित्य प्रकार	इतिहास, ऐतिहासिक साहित्य
विषय	महानुभावीय मराठी साहित्य
वडील	भिकाजी कोलते
पुरस्कार	पद्मश्री पुरस्कार (इ.स. १९९१)

डॉ. विष्णू भिकाजी कोलते (जून २२, १९०८ - एप्रिल ८, १९९८) हे मराठी लेखक, महानुभाव साहित्याचे संशोधक व कवी होते. यांना इ.स. १९९१ साली पद्मश्री पुरस्काराने गौरवण्यात आले.^{[ संदर्भ हवा ]}

विष्णू भिकाजी कोलते यांचा जन्म २२ जून, इ.स. १९०८ रोजी नरवेल नावाच्या गावी झाला.^{[ संदर्भ हवा ]} त्यांचे शालेय शिक्षण मलकापूर येथे, तर महाविद्यालयीन शिक्षण खामगाव व नागपूर येथे झाले. इ.स. १९३० साली त्यांनी एम.ए. पदव्युत्तर अभ्यासक्रम पुरा केला. इ.स. १९३१ ते इ.स. १९४४ या कालखंडात अमरावतीच्या विदर्भ महाविद्यालयात, तर इ.स. १९४४ ते इ.स. १९६४ या कालखंडात नागपुरातील मॉरिस कॉलेजात त्यांनी मराठी विषय शिकवला.^{[ संदर्भ हवा ]} इ.स. १९६६ ते इ.स. १९७२ या काळात ते नागपूर विद्यापीठाचे कुलगुरू होते.^{[ संदर्भ हवा ]} त्यांनी काव्य, नाटक, चरित्र, आत्मचरित्र या ललित साहित्य प्रकारांच्या क्षेत्रात आपली लेखणी चालविली. सोबतच अनेक ललित साहित्य कृतींचा आस्वाद घेऊन समीक्षालेखनही केले. संपादन आणि संशोधन कार्यात तर त्यांचे योगदान लक्षणीय आहे. प्राचीन शिलालेख, ताम्रपटांचे तसेच मध्ययुगीन मराठी साहित्याचे संपादन , संशोधन करून साहित्याच्या क्षेत्रात प्रतिष्ठेचे स्थान प्राप्त केले आहे.^[१]

त्यांचे आत्मचरित्र अजुनी चालतोच वाट या नावाने इ.स. १९९४ साली प्रकाशित झाले.^{[ संदर्भ हवा ]}

• अध्यक्ष, अखिल भारतीय मराठी साहित्य संमेलन, भोपाळ, इ.स. १९६७^{[ संदर्भ हवा ]}
• भारत सरकारचा पद्मश्री पुरस्कार इ.स. १९९१^{[ संदर्भ हवा ]}
• कुलगुरू, नागपूर विद्यापीठ (इ.स. १९६६ ते इ.स. १९७२)^{[ संदर्भ हवा ]}
• अध्यक्ष, महाराष्ट्र भाषा सभा^{[ संदर्भ हवा ]}
• अध्यक्ष, विदर्भ साहित्य संघ^{[ संदर्भ हवा ]}
• साहित्य अकादमी विद्यावृत्ती^{[ संदर्भ हवा ]}

• "महानुभावाचा संपादक - डॉ. कोलते".^{[permanent dead link]}