लाईफलाईन (मराठी चित्रपट)

लाईफलाईन हा एक २०२४ सालचा मराठी भाषेतील चित्रपट आहे.^[१][२] या चित्रपटाचे दिग्दर्शन साहिल शिरवईकर यांनी. केले असून दिग्दर्शक म्हणून हा त्यांचा पहिला चित्रपट आहे.^[३] कथा, पटकथा आणि संवाद राजेश शिरवईकर यांचे असून निर्मितीची जबाबदारी लालाजी जोशी, कविता शिरवाईकर, अमी भुता, मिलिंद प्रभुदेसाई, उदय पंडित, संचिता शिरवईकर, संध्या कुलकर्णी, शिल्पा मुडबिद्री आणि क्रेसेंडो एंटरटेनमेंट यांची आहे. या चित्रपटाला संगीत अशोक पत्की यांनी दिले असून अवधूत गुप्ते आणि माधुरी करमरकर यांनी यातील गाणी गायली आहेत.^[२]

कर्मठ आणि अहंकारी असे किरवंत पंडीत केदारनाथ अग्निहोत्री आणि डॅा. विक्रम देसाई यांच्या दरम्यान फिरणारी ही कथा आहे. अवयवदान करून मृत्यूपश्चात देखील जीवंत राहता येते अशी जनजागृती डॉ देसाई करत असतात. त्यांनी आजपावेतो अवयव प्रत्यारोपण करत कित्येक जणांना जीवदान दिले आहे. याउलट पंडीत केदारनाथ मात्र अवयवदानाला विरोध करत असतात. शेवटी कथानक पुढे वेगवेगळे वळण घेत जाते, अशा आशयाचा हा चित्रपट आहे.^[१]

• माधव अभ्यंकर
• अशोक सराफ
• संध्या कुटे
• भरत दाभोळकर
• हेमांगी कवी
• जयवंत वाडकर
• शर्मिला शिंदे
• सुश्रुत मंकणी