रेबेका सिमियन

रेबेका सिमियन तथा सीमा घोसाळकर (१८५९-१९०४) या भारतीय सुईण होत्या. यांनी ग्रॅंट मेडिकल कॉलेजमधून प्रसूतीशास्त्राचे प्रशिक्षण घेतले व मुंबईमध्ये गर्भार आणि बाळंतीण स्त्रीयांसाठी दवाखाना चालविला. त्यांनी निती प्रसारक मंडळ या संस्थेची स्थापना केली.^[१] सिमियन यांनी बाळंतीणी आणि अर्भकांची काळजी घेण्यासाठी मराठीतून अनेक पुस्तके लिहिली. यातील कुटुंब मित्र (१८७८) आणि सुईण (१८७९) यांना मराठी साहित्यातून प्रसिद्धी मिळाली. सिमियन यांच्या लिखाणातून प्राचीन वैद्यकीय उपाय आणि तत्कालीन आधुनिक पद्धतींचा समावेश दिसून येतो.

1. ^ अनगळ, पद्मा. "द एमर्जन्स ऑफ फेमिनिझम इन इंडिया: १८५०-१९२०". गूगलबुक्स. २०१८-०७-०२ रोजी पाहिले.