रेखा रमेश नार्वेकर

रेखा रमेश नार्वेकर (माहेरच्या राजलक्ष्मी नेवगीकर) एक मराठी कवयित्री व लेखिका आहेत. या सावंतवाडीचे कीर्तनकार तात्यासाहेब नेवगीबुवा यांच्या कन्या होत. त्यांचे आई आणि वडील दोघेही राष्ट्र सेवा दलाचे कार्यकर्ते होते. तात्यासाहेबांनी गोवा मुक्ती चळवळीत सक्रिय सहभाग होता. रेखा नार्वेकर कवडसे या दिवाळी अंकाच्या १९८१ ते १९८४ या काळात संपादिका होत्या.

लग्नानंतर रेखा नार्वेकर मुंबईत कुलाब्यात रहायला आल्या. तिथे त्यांनी अनेक सामाजिक संस्थांमध्ये काम केले.

• कुलाब्याच्या महिला विकास मंडळाच्या विश्वस्त (इ.स. २००१ ते २०१२).
• यशवंतराव चव्हाण प्रतिष्ठानच्या मुंबई महिला व्यासपीठाच्या मानद संयोजक
• यशवंतराव चव्हाण प्रतिष्ठानच्या मुंबई वार्तापत्राच्या मानद संपादक (इ.स. १९९५ ते २००४)
• कोकण मराठी साहित्य परिषदेच्या अध्यक्षा (इ.स. २००६ ते २०१२)
• कोकण मराठी साहित्य परिषदेच्या विश्वस्त

• आकाशवाणी व दूरदर्शनसाठी विविध कार्यक्रमांचे लेखन व निवेदन
• ज्ञानेश्वरीवर आधारित ’हे विश्वची माझे घर’ या कार्यक्रमाची संकल्पना, निरूपण व संयोजन

• आनंदतरंग (ललित लेखसंग्रह)
• दुर्गे दुर्गट भारी (कथासंग्रह)
• नवे किरण (कथासंग्रह)
• शब्द आणि मन (काव्यसंग्रह)

• मराठी पत्रकार संघ पुरस्कार (१९८०-८१; १९८२)
• मराठी वृत्तपत्र लेखक संघ पुरस्कार (१९८०-८१)
• सावंतवाडी नगरपालिकेतर्फे ‘सावंतवाडीची आदर्श कन्या’ म्हणून सन्मान (इ.स. २००४)
• स्नेह परिवार संस्थेचा ’कार्यगौरव’ पुरस्कार (इ.स. २००५)
• आवास (अलिबाग) येथे कोमसापचे पहिले महिला साहित्य संमेलन आयोजित करून यशस्वीरीत्या पार पाडल्याबद्दल कोकण मराठी साहित्य परिषदेचा पुरस्कार (इ.स. २००६)
• उत्कृष्ट साहित्य निर्मितीचा प्रथम श्रेणीचा ’आशीर्वाद पुरस्कार’ (इ.स. २००८)
• कोकण मराठी साहित्य परिषदेचा उत्कृष्ट कथा पुरस्कार (इ.स. २०१०)
• महिला विकास मंडळ कुलाबा (मुंबई) या संस्थेतर्फे १० वर्षे सातत्याने विश्वस्तपदाची जबाबदारी सांभाळल्याबद्दल सन्मानचिन्ह, सन्मानपत्र देऊन गौरव (इ.स. २०१२)