राम कापसे

राम कापसे (१ डिसेंबर, इ.स. १९३३ - २९ सप्टेंबर, इ.स. २०१५: डोंबिवली, महाराष्ट्र, भारत) हे भारतीय संसदसदस्य होते.

मूळचे शिक्षक असलेले कापसे हे १९५९ ते १९९३ या कालावधीत रुपारेल महाविद्यालयात प्राध्यापक होते. ते जनसंघ, जनता पक्ष आणि भारतीय जनता पक्ष या राजकीय पक्षांचे ठाणे जिल्ह्यातील नेते होते.

• १९६२ ते १९७४ कल्याण नगरपरिषदेत नगरसेवक
• १९७८ साली कल्याण विधानसभा मतदारसंघातून ते निवडून आले व पहिल्यांदा आमदार झाले.
• पुरोगामी लोकदल-पुलोद सरकारच्या काळात त्यांनी सिडकोचे अध्यक्षपदही सलग दोन वर्षे भूषविले
• १९८० मध्ये ते पुन्हा आमदार म्हणून निवडून आले.
• १९८५ साली तिसऱ्यांदा आमदार झाले.
• नोव्हेंबर १९८९ मध्ये त्यांना ठाणे लोकसभेची उमेदवारी मिळाली त्यात काँग्रेसचे शांताराम घोलप यांचा पराभव करून ते विजयी झाले.
• लोकसभेचे दुसऱ्यांदा खासदार झाले.(१९९१)
• १९९६ साली ठाणे लोकसभेची जागा शिवसेनेच्या वाट्याला गेल्यानंतर ते १९९६ ते २००० या काळात राज्यसभेचे खासदार होते.
• जानेवारी २००४-०६ या कालावधीत ते अंदमान आणि निकोबारचे नायब राज्यपाल होते.