म्हाळुंगी नदी

म्हाळुंगी नदी ही महाराष्ट्रातील नाशिक व अहमदनगर जिल्ह्यांतील एक नदी आहे. ही नदी अहमदनगर जिल्ह्यातील अकोले तालुक्यात म्हाळुंगी या गावात उगम पावते म्हणून तिला म्हाळुंगी नदी असे नाव पडले आहे.सिन्नर तालुक्यातील सोनेवाडी या गावात या नदीवर प्रकल्प आहे. पुढे ती नाशिक -अहमदनगर जिल्ह्यांच्या सीमावर्ती भागातून वाहत जाऊन अहमद नगर जिल्ह्यातील संगमनेर तालुक्यात प्रवेश करते. पुढे वाहत जाऊन ती संगमनेर शहरात प्रवरा नदीला मिळते. म्हाळुंगी नदी व प्रवरा नदी यांच्या संगमावर संगमनेर शहर वसलेले आहे.हे शहर अहमदनगर जिल्ह्यातील एक प्रमुख शहर आहे. याच शहरातून वाहणाऱ्या प्रवरा नदीची म्हाळुंगी ही प्रमुख उपनदी आहे. पुढे प्रवरा नदी गोदावरी या नदीस प्रवरासंगम येथे मिळते.