मिलिंद माने

डॉ. मिलिंद माने (जन्म ३ डिसेंबर १९७०) १३ व्या महाराष्ट्र विधानसभेचे सदस्य होते . त्यांनी नागपूर उत्तर विधानसभा मतदार संघाचे प्रतिनिधित्व केले. ते भारतीय जनता पक्षाचे नेते आहेत.^[१] माने २०१२ मध्ये नागपूर महानगरपालिकेत नगरसेवक होते ,^[२] नगरसेवक म्हणून त्यांनी भारतीय रिपब्लिकन पक्ष आघाडीचे प्रतिनिधित्व करत नगरपालिका निवडणूक अयशस्वीपणे हरले.^[३] माने हे वैद्यकीय डॉक्टर आहेत.^[४]

माने यांचा जन्म अकोला जिल्ह्यातील पारस गावात झाला. त्यांचे वडील भारतीय रेल्वेमध्ये गेटमॅन होते, त्यांना दारूचे व्यसन होते ज्यामुळे त्यांचे कुटुंब दारिद्र्यात बुडलेले होते. या दरिद्रीमुळे त्यांच्या आईला कामगार म्हणून काम करून कौटुंबिक उत्पन्नाची पूर्तता करावी लागली. दारिद्र्याने मानेंना लहानपणीच विविध प्रकारचे शेती, नोकरी, कामकाजाची कामे करण्यास भाग पाडले आणि एका वेळी त्यांना अनेक दिवस भीक सुद्धा मागावी लागली. त्यांनी दंतचिकित्साचा अभ्यास सहा महिन्यांपर्यंत केला, तथापि त्यांनी इंदिरा गांधी शासकीय वैद्यकीय महाविद्यालयात प्रवेश मिळवून वैद्यकीय शिक्षण घेऊन एमबीबीएस पदवी मिळविली. त्यानंतर त्यांनी एमडी पदवी मिळविली.^[५]

माने हे या भागातील भारतात समलैंगिक, उभयलैंगिक व परलैंगिक लोकांच्या हक्कांचे मुखर समर्थक आहेत. शाळेत लैंगिक शिक्षणाचे महत्त्व आणि एलजीबीटीक्यू समुदायाविरूद्ध भेदभाव याविषयी तो विविध एलजीबीटीक्यू कार्यक्रमांमध्ये ते बोलले आहेत.^[६] उत्तर नागपूरचे आमदार असताना त्यांनी २०१६ मध्ये नागपुरात ऑरेंज सिटी एलजीबीटीक्यू प्राइड मार्चला हिरवा झेंडा दाखविला.^[७]