मंगरुळपीर तालुका

मंगरुळपीर हा भारताच्या महाराष्ट्र राज्यातील वाशिम जिल्ह्याचा एक तालुका आहे. मंगरुळपीर शहरास नगरपालिका आहे. ह्या शहरातील बहुसंख्य लोकसंख्या धर्माने मुस्लिम व हिंदू आहे. नाथपरंपरेतील विभूती श्री. बिरबलनाथ महाराज यांच्यामुळे हे शहर "मंगरुळनाथ" नावानेही ओळखले जाते. दरवर्षी येथे श्री. बिरबलनाथ महाराजांच्या नावे यात्रा भरते. ही यात्रा पाहायला आजूबाजूच्या गावांतून अनेक लोक येतात. पीर दादा हयात कलंदर ह्यांचा दर्गा हे या शहराचे वैशिष्ट्य आहे. शहराच्या नावात 'पीर' असण्याचे कारण हेच आहे. येथे हिंदू आणि मुस्लिम समाजाचे लोक मिळून मिसळून राहतात.

जिल्ह्याचे ठिकाण वाशिम येथून मंगरूळपीरचे अंतर ४० किमी आहे. तर महाराष्ट्र राज्याची राजधानी मुंबईपासून ६७१ किमी इतके आहे. वाशिम आणि अकोला ह्या जिल्ह्यांच्या उत्तर-दक्षिण सीमेवर मंगरुळपीर आहे. जवळचे रेल्वेस्थानक वाशिम येथे आहे.

1. श्री बिरबलनाथ महाराज मंदिर, मंगरूळपीर शहर
2. दादा हयात कलंदर दर्गा,मंगरूळपीर शहर
3. श्री महादेव मंदिर आणि पाण्याचे कुंड, येडशी, मंगरुळपीर
4. श्री संत भायजी महाराज संस्थान, तऱ्हाळा, मंगरूळपीर
5. मकान शरीफ दर्गा,तऱ्हाळा, मंगरूळपीर
6. श्री संत बुढेबाबा मंदिर, चांभई, मंगरूळपीर
7. पिंपळखुटा संगम (अडाण व मडाण नद्यांचा संगम) व श्री भायजी महाराज मंदिर, पिंपळखुटा संगम, मंगरूळपीर
8. श्री कान्होबा मंदिर,सावरगाव, मंगरूळपीर (नवनाथांपैकी एक असलेले श्री कानिफनाथ ह्यांचे मंदिर)
9. श्री वामन महाराज आश्रम, कोलार, मंगरूळपीर
10. मा जगदंबा भवानी मंदिर, पारवा, मंगरूळपीर
11. भवानी माता मंदिर, मानोली, मंगरूळपीर

बाराखडीनुसार अनुक्रमे :

1. https://villageinfo.in/
2. https://www.census2011.co.in/
3. http://tourism.gov.in/
4. https://www.incredibleindia.org/
5. https://www.india.gov.in/topics/travel-tourism
6. https://www.mapsofindia.com/
7. https://en.wikipedia.org/wiki/Mangrulpir