पियू (पक्षी)

पियू, पिहू, मिरिंगी, रिंगी किंवा पाणमोर (इंग्लिश:Phessant-tailed Jacana; हिंदी:जलकपोत, जलमज्जुर, जलमंजोर, पिह, पिही, पिहुया, पिहो, मीवा) हा एक पक्षी आहे.

आकाराने अंदाजे तित्तिराएवढा. विणीच्या हंगामात उडताना त्याची पिसे पंढरी व तपकिरी पिंगट दिसतात. शेपटी लांब, टोकदार व कोयत्याच्या आकाराची. विणीच्या हंगामानंतर हे पक्षी पिवळट उदी व पांढरे दिसतात. छातीवर काळा गळपट्टा. टोकदार व कोयत्याच्या आकाराची शेपटी झडते. कोळ्याच्या पायांसारखी लांबलचक बोटे. नर-मादी दिसायला सारखे. एकटे किंवा थव्याने आढळून येतात.

भारतीय उपखंड आणि श्रीलंकेत निवासी. स्थानिक स्थलांतर करणारे. हिमालयात १५०० मीटर उंचीपर्यंत आढळतात. हिवाळ्यात खाली पठारी भागात उतरतात. जून ते सप्टेंबर या काळात वीण.

दलदली आणि कमळवने असलेली तळी.

पक्षिकोश मारुती चितमपल्ली