पाकिस्तान रेल्वे
 लाहोर येथील पाकिस्तान रेल्वेचे मुख्यालय | |
| प्रकार | सरकारी उद्योग |
|---|---|
| उद्योग क्षेत्र | रेल्वे वाहतूक |
| स्थापना | इ.स. १८६१ |
| मुख्यालय | लाहोर,  पाकिस्तान |
| सेवा | प्रवासी वाहतूक, माल वाहतूक, पार्सल सेवा |
| महसूली उत्पन्न | ५,४५९ कोटी पाकिस्तानी रुपये |
| कर्मचारी | ७२,०७८ |
| पालक कंपनी | पाकिस्तान रेल्वे मंत्रालय |
| विभाग | ६ |
| पोटकंपनी | १ |
| संकेतस्थळ | https://www.pakrail.gov.pk |
पाकिस्तान रेल्वे (उर्दू: پاکستان ریلویز ) ही पाकिस्तान देशाची राष्ट्रीय रेल्वे कंपनी आहे. एकूण ७,७९१ किमी लांबीचे लोहमार्गाचे जाळे असलेली पाकिस्तान रेल्वे देशामध्ये प्रवासी व मालवाहतूक पुरवते. आजच्या घडीला पाकिस्तानमधील एकूण वाहतूकीपैकी केवळ ४ टक्के वाहतूक पाकिस्तान रेल्वेद्वारे करण्यात येते. २०१८-१९ साली सुमारे ७ कोटी प्रवाशांनी पाकिस्तान रेल्वेमधून प्रवास केला.
प्रमुख्याने ब्रॉड गेजवर धावणाऱ्या पाकिस्तान रेल्वेचे ५ प्रमुख मार्ग असून दक्षिणेकडील कराचीला लाहोर व रावळपिंडीमार्गे पेशावरसोबत जोडणारा मार्ग देशातील सर्वाधिक वर्दळीचा रेल्वेमार्ग आहे. आजच्या घडीला सर्व रेल्वे वाहतूक डिझेल इंजिनांद्वारेच करण्यात येते.
बाह्य दुवे
विकिमीडिया कॉमन्सवर संबंधित संचिका आहेत
- अधिकृत संकेतस्थळ Archived 2021-02-01 at the Wayback Machine.