पंकजा मुंडे

पंकजा मुंडे-पालवे
आमदार
विद्यमान
पदग्रहण ऑक्टोबर इ.स. २००९
मागील	गोपीनाथ मुंडे
मतदारसंघ	परळी विधानसभा मतदारसंघ
जन्म	२६ जुलै परळी, जिल्हा-बीड
राजकीय पक्ष	भारतीय जनता पक्ष
पती	चारुदत्त ऊर्फ अमित पालवे
निवास	परळी: यशश्री, परळी, तालुका परळी, जिल्हा-बीड पुणे:फ्लॅट नं. ४०२, चौथा मजला, सीटी टॉवर, ढोले-पाटील मार्ग, पुणे मुंबई:१५, शुभदा, सर पोचखानवाला रोड, वरळी,मुंबई

पंकजा मुंडे-पालवे (२६ जुलै, - हयात) ह्या मराठी राजकारणी आहेत. २००९ च्या महाराष्ट्र विधानसभेत बीड जिल्ह्यातील परळी विधानसभा मतदारसंघाचे त्या २०१९ ऑक्टोबरपर्यंत आमदार म्हणून प्रतिनिधित्व करत होत्या. ^[१]

पंकजा मुंडेंनी निवडून आल्या आल्या महाराष्ट्राच्या मुख्यमंत्रिपदावर दावा केला. पण भाजपच्या धुरीणांनी त्यांच्याकडे लक्ष दिले नाही. त्यांना त्यांचे बंधू धनंजय मुंडे यांच्याकडून २०१९ च्या विधानसभा निवडणुकीत हार मिळाली.

• पंकजा मुंडे यांनी शाळांकरता खरेदी केलेली चिक्की आरोग्याला घातक असल्याचे आरोप झाले.
• शनी शिंगणापूरला चौथऱ्यावर स्त्रियांना प्रवेश न देण्याची प्रथा चालू ठेवावी असे पंकजा मुंडे यांचे मत होते.
• दुष्काळाताही मराठवाड्यातील दारू कारखान्यांचा पाणी पुरवठा अविरत रहावा हा पंकजा मुंडे यांचा आदेश स्वार्थाने प्रेरित आहे अशी टीका केल्या गेली.
• पंकजा मुंडे यांच्या महिला व बालकल्याण मंत्रालयाची घरपोच आहार देण्याच्या योजनेसाठी काढलेली ६,३०० कोटी रुपयांची निविदा मुंबई उच्च न्यायालयाच्या औरंगाबाद खंडपीठाने रद्दबातल ठरवली.
• जलसंवर्धन खाते काढून घेतल्यावर बँकॅक येथे त्या विषयावर होणाऱ्या जागतिक पाणी परिषदेला न जाण्याच्या त्यांनी ट्विटरवर उपस्थित केलेल्या निश्चयाला महाराष्ट्राच्या मुख्यमंत्र्यांनी कडक प्रत्युत्तर दिले. ट्विटरवरच्या दोघांच्या या जाहीर संवादाबद्दल केंद्र शासनाने आपली नाराजी व्यक्त केली.
• शेतकऱ्यांचे २ कोटी ४२ लाख रुपये थकविल्याबद्दल पंकजा मुंडे यांच्या वैजनाथ साखर कारखान्याचा गाळप परवाना रद्द झाला आहे. पंकजा मुंडे यांच्याशी संबंधित असलेल्या लातूर व जालना जिल्ह्यातील दोन साखर कारखान्यांचे गाळप परवानेही रद्द करण्यात आहेत.
• जिल्हा परिषद प्राथमिक शिक्षक यांचे ऑनलाईन बदली धोरण पंकजा मुंडे यांनी ग्रामीण विकास मंत्री असताना यशस्वी पणे राबविले.

• लोकसत्ता या वर्तमानपत्रातील पंकजा पालवे यांचे विचार : एक एक ‘सातोली’ जगवण्यासाठी ..