नेत्रा कुमानन

नेत्रा कुमानन

नेत्रा कुमानन
वैयक्तिक माहिती
राष्ट्रीयत्व	भारतीय
निवासस्थान	चेन्नई
जन्मदिनांक	३१ ऑगस्ट, १९९७ (1997-08-31) (वय: २७)
उंची	५ फूट ३ इंच
खेळ
देश	भारत
खेळ	नौकानयन
खेळांतर्गत प्रकार	लेसर रेडीयल
प्रशिक्षक	टामस इस्झेस, हंगेरी
कामगिरी व किताब
ऑलिंपिक स्तर	२०२० उन्हाळी तोक्यो, जपान

नेत्रा कुमानन (३१ ऑगस्ट १९९७)^[१] ही एक भारतीय नौकानयनपटू आहे. ती भारतातील चेन्नई येथे राहते.^[१] एप्रिल २०२१ मध्ये ओमान येथे झालेल्या स्पर्धेत नौकानयनातील लेसर रॅडीयल प्रकारात तिने विश्वचषक पदक जिंकले. त्यामुळे ती तोक्यो ऑलिम्पिकसाठी पात्र ठरली.^[२]

नेत्राने २०१४ आणि २०१८ च्या आशियाई क्रीडा स्पर्धेत भारताचे प्रतिनिधित्व केले होते. २०१८ मध्ये इंडोनेशियातील जाकार्ता येथे झालेल्या आशियाई क्रीडा स्पर्धेत ती चौथी आली होती.^[३]

२०२० साली मायामी, अमेरिका येथे झालेल्या नौकानयन विश्वचषक स्पर्धेत नेत्राने कांस्यपदक मिळवले.^[४] नौकानयनात विश्वचषक पदक जिंकणारी ती पहिला भारतीय महिला आहे. तसेच ऑलिम्पिकसाठी पात्र ठरणारीही ती पहिली भारतीय महिला नौकानयनपटू आहे.^[४]

हंगेरीचे टामस इस्झेस हे तिचे प्रशिक्षक आहेत.^[५] २०१९ मध्ये तिने स्पेनमधील ग्रॅन कॅनेरीया येथे प्रशिक्षण घेण्यास सुरुवात केली.^[१]

ती एसआरएम युनिव्हर्सिटी, वडापलानी कॅम्पसमध्ये बीटेक-मेकॅनिकल इंजिनिअरिंगचे शिक्षण घेत आहे.

नेत्राच्या वडलांची सॉफ्टवेर कंपनी आहे. नेत्राच्या नौकानयनातील कारकिर्दीला तिच्या आई-वडिलांनी प्रोत्साहन दिले आहे.^[५] नेत्राचा भाऊ, नवीन राष्ट्रीय पातळीवरील नौकानयन स्पर्धांमध्ये सहभागी होता.^[१]