नारायण यशवंत देऊळगावकर

नारायण यशवंत देऊळगावकर (ऑगस्ट २२, १९२०-जून ३, २००८) हे मराठी चित्रपटसृष्टीतील पटकथालेखक होते.

देऊळगावकरांचा जन्म ऑगस्ट २२, १९२० रोजी पुण्याच्या डेक्कन जिमखाना परिसरात झाला. अखेरच्या काही वर्षांतील नागपुरातील वास्तव्य वगळता त्यांचे वास्तव्य पुण्यातच होते. मराठी व संस्कृत या विषयांमध्ये त्यांनी एम.ए. पदवी मिळवली.
जून ३, २००८ रोजी नागपुरात दीर्घ आजाराने त्यांचे निधन झाले.

देऊळगावकरांनी ४० वर्षांच्या कारकिर्दीत २५हून अधिक चित्रपटांच्या पटकथा व ५०हून अधिक गीते लिहिली. 'सीता स्वयंवर' व 'माया बाजार' या गाजलेल्या मराठी चित्रपटांसाठी ग.दि. माडगूळकरांसोबत त्यांनी चित्रपट व्यवसायात पहिले पाऊल ठेवले. 'झाकली मूठ' या चित्रपटापासून अण्णांच्या स्वतंत्र कारकिर्दीला सुरुवात झाली.

• पैशाचा पाऊस
• सतीचं वाण
• थापाड्या
• सासुरवाशीण
• धूमधडाका
• माहेरची साडी
• खट्याळ सासू नाठाळ सून
• नवरा बायको नशीबवान
• सतीची पुण्याई
• लेक चालली सासरला
• नशीबवान
• सुभद्राहरण
• दे दणा दण

प्रीती वडनेरकर या लेखिका देऊळगावकरांच्या कन्या आहेत.