द काउंट ऑफ मॉन्टे क्रिस्टो (२००२ चित्रपट)

द काउंट ऑफ मॉन्टे क्रिस्टो हा २००२मध्ये प्रदर्शित अमेरिकन ऐतिहासिक-काल्पनिकचित्रपट आहे. याची निर्मिती रॉजर बर्नबॉम, गॅरी बार्बर आणि जोनाथन ग्लिकमन यांनी केली तर केव्हिन रेनॉल्ड्स दिग्दर्शन केले. हा चित्रपट अलेक्झांडर ड्युमा यांच्या याच नावाच्या कादंबरीचे रूपांतर आहे . या चित्रपटात जिम कॅविझेल, गाय पियर्स, रिचर्ड हॅरिस, जेम्स फ्रेन, डाग्मारा डोमिंचिक आणि लुइस गुझमान यांनी भूमिका केल्या. या चित्रपटा कादंबरीच्या कथानकाचे साधारणपणे अनुसरण असले तरी मुख्य पात्रांमधील आंतरसंबंध आणि शेवट हे वेगळे आहेत. हा चित्रपट २५ जानेवरी, २००२ रोजी प्रदर्शित झाला आणि त्याने $७.५ कोटी कमावले.

• एडमंड डान्टेस - जिम कॅव्हीझेल
• मर्सेडीझ हेरेरा - डाग्मारा डॉमिंचिक
• फर्नांड मॉन्डेगो - गाय पियर्स
• अॅबे फारिया - रिचर्ड हॅरिस
• जे.एफ. व्हियेफोर्ट - जेम्स फ्रेन
• याकोपो - लुइस गुझमान
• आर्मांड दोर्लेआक - मायकेल विनकॉट
• आल्बेर मॉन्डेगो - हेन्री कॅव्हिल
• फिलिप दांग्लार्स - आल्बी वूडिंग्टन
• लुइजी व्हाम्पा - जे.बी. ब्लांक
• नेपोलियन बोनापार्ट - अॅलेक्स नॉर्टन
• पिएर मोरेल - पॅट्रिर गॉडफ्रे
• क्लॅरियाँ - फ्रेडी जोन्स
• व्हॅलेन्टिना व्हियेफोर्ट - हेलेन मॅकक्रोरी

या चित्रपटाचे बव्हंश चित्रीकरण माल्टामध्ये झाले. मार्सेलच्या ऐवजी माल्टाची राजधानी व्हॅलेट्टाचे चित्रकरण आहे. व्हॅलेट्टाच्या ग्रँड हार्बरचा एक भाग असलेले व्हितोरिओसा हे तटबंदी असलेले शहर १९व्या शतकाच्या सुरुवातीच्या मार्सेल बंदरासारखेच दिसत असल्याने हे निवडले गेले. ^[२] व्हितोरिओसाचे झात इर-रिस्क आणि फोर्ट सेंट एल्मो हे समुद्रकिनाऱ्यावरील भाग मार्सेलच्या दृष्यांमध्ये वापरले गेले आहेत. ^[२] ग्रँड हार्बर हे जगातील सर्वात खोल बंदर असल्याने यूकेमधून शिडाच्या जुन्या आणि प्रचंड जहाजांनाही येथपर्यंत आणता आले. शॅटो डी'इफच्या ऐवजी कोमिनो बेटावरील सेंट मेरीज टॉवरचा वापर केला गेला होता. मॉन्टेक्रिस्टो बेटावरील दृष्यांमध्ये गोझोची अझुर विंडो देखील दिसते. ^{[३] [४]}

• द काउंट ऑफ मॉन्टे क्रिस्टो (निःसंदिग्धीकरण)

• इंटरनेट मुव्ही डेटाबेस वरील द काउंट ऑफ मॉन्टे क्रिस्टो (२००२ चित्रपट) चे पान (इंग्लिश मजकूर)