दक्षिण-मध्य क्षेत्र सांस्कृतिक केंद्र

दक्षिण-मध्य क्षेत्र सांस्कृतिक केंद्र, हे १९८६ मध्ये स्थापित झालेल्या ७ विभागीय सांस्कृतिक क्षेत्रां मधून एक आहे. या संस्थेचे मुख्यालय मध्य भारतात असलेल्या नागपूर येथे आहे. या क्षेत्रात भाषिकदृष्ट्या वेगवेगळे आंध्र प्रदेश, कर्नाटक, मध्य प्रदेश, तेलंगाणा, छत्तीसगढ, गोवा आणि महाराष्ट्र राज्ये आहेत. या प्रत्येक राज्यामध्ये लोक, आदिवासी, ललित कला आणि शिल्पकलांची समृद्ध परंपरा आहे. या परंपरेला समृद्ध करण्यासाठी, प्रोत्साहन देण्यासाठी आणि बळकट करण्यासाठी हे केंद्र विविध क्रियाकलापांद्वारे प्रयत्न करतं. हे केंद्र, भारत सरकारच्या संस्कृती मंत्रालयाच्या नियंत्रणात कार्यरत आहे. महाराष्ट्राचे राज्यपाल या केंद्राचे अध्यक्ष आहेत.

• पूर्व क्षेत्र सांस्कृतिक केंद्र, कोलकाता, पश्चिम बंगाल
• ईशान्य क्षेत्र सांस्कृतिक केंद्र, दिमापूर, नागालॅंड
• पश्चिम क्षेत्र सांस्कृतिक केंद्र, उदयपुर, राजस्थान
• दक्षिण क्षेत्र सांस्कृतिक केंद्र, तंजावूर, तमिळनाडू
• उत्तर-मध्य क्षेत्र सांस्कृतिक केंद्र, अलाहाबाद, उत्तर प्रदेश 
• उत्तर क्षेत्र सांस्कृतिक केंद्र, पतियाळा, पंजाब

भारताच्या सांस्कृतिक क्षेत्रे भारताच्या विविध क्षेत्रांमध्ये सांस्कृतिक वारसा प्रोत्साहन आणि जतन करण्यासाठी भारत सरकारच्या संस्कृती मंत्रालयाने परिभाषित सात अतिव्यापी क्षेत्रे आहेत.^[१]