झांझरोळी

झांझरोळी हे भारतातील महाराष्ट्र राज्यातील उत्तर कोकणातील पालघर जिल्ह्यातील पालघर तालुक्यातील एक गाव आहे.

पालघर रेल्वे स्थानकापासून पूर्वेस नवली- कमारेमार्गे गेल्यावर बांदते गावानंतर हे गाव लागते. पालघरपासून हे गाव १४ किमी अंतरावर आहे.केळवे रोड रेल्वे स्थानकापासून पूर्वेला हे गाव २.३ किमी अंतरावर आहे.येथे ३.२४२ दशलक्ष घनमीटर पाणीसाठ्याची क्षमता असलेला लघु पाटबंधारा आहे.^[१]

पावसाळ्यात येथे भरपूर प्रमाणात पाऊस पडतो आणि हवामान समशीतोष्ण राहते. हिवाळ्यात येथील हवामान थंड असते व अनेकदा सकाळी धुके पडते. उन्हाळ्यात हवामान उष्ण असते. पावसाळ्यात येथे भातशेती, नागलीशेती केली जाते.

हे मध्यम आकाराचे गाव आहे.२०११ च्या भारतीय जनगणनेनुसार गावात २२९ कुटुंबे राहतात. एकूण ९७७ लोकसंख्येपैकी ५०७ पुरुष तर ४७० महिला आहेत. गावाची साक्षरता ७३.४९ टक्के आहे.पुरुष साक्षरता ८५.१३ आहे तर स्त्री साक्षरता ६१.०३ आहे. गावातील वय वर्ष शून्य ते सहा वर्षे लहान मुलांची संख्या १३२ आहे. ती एकूण लोकसंख्येच्या १३.५१ टक्के आहे. मुख्यतः आदिवासी समाजातील लोक येथे राहतात. छोट्या प्रमाणावर शेती व शेतमजूर, वीटभट्टीमजूर म्हणून ते काम करतात.अगदी लहान प्रमाणात कुक्कुटपालन, बकरीपालन सुद्धा ते करतात.

गावात प्राथमिक शिक्षण,प्राथमिक आरोग्यसेवा, रस्ते वीजपुरवठा, सार्वजनिक स्वच्छता,पाणी पुरवठा इत्यादी आवश्यक गोष्टी उपलब्ध आहेत.केळवे रोड रेल्वे स्थानकातून येथे येण्यासाठी दिवसभर ऑटोरिक्षा उपलब्ध असतात.

हरणवाळी, वडराई, माहीम, टोकराळे, बांदते, केळवेरोड, केळवे, मांगेलवाडा, मायखोप, रोठे, लालठाणे ही जवळपासची गावे आहेत.हे गाव मायखोप, रोठे, बांदते गावांसह मायखोप ग्रामपंचायतीमध्ये येते.

https://www.census2011.co.in/data/subdistrict/4163-palghar-thane-maharashtra.html

२. http://tourism.gov.in/india-tourism-development-corporation-itdc

1. ^ महाराष्ट्र टाईम्स, वसई विरार पुरवणी, शनिवार दिनांक ६ जुलै २०२४